Pavarësisht polemikave të fundit rreth Instagram dhe përballjes në Kongres mes ligjvënësve amerikanë dhe CEO-s Adam Mosseri, aplikacioni arriti një moment historik duke shënjuar 2 miliardë përdorues aktivë mujorë.
Tema e seancës dëgjimore të Mosserit para një nënkomisioni të Senatit për Tregtinë ishte siguria e fëmijëve në internet, një çështje e cila ka dëmtuar jo pak imazhin e Instagram në muajt e fundit.
Por, pavarësisht publicitetit negativ, duket se kjo nuk e ka ndaluar aplikacionin të arrijë shifra rekord sa i përket numrit të përdoruesve.
Instagram nuk i ka bërë publikë numrat e përdoruesve që kur kapërceu shifrën e 1 miliard përdoruesve aktivë mujorë në qershor të 2018-ës dhe ka shmangur reklamimin e rritjes së numrit të përdoruesve në një kohë kur ligjvënësit tashmë e shohin Facebook-un si një pjesë të madhe të kontrollit të tregut.
Punonjësit, të cilët kërkuan të mos u përmendet emri sepse nuk ishin të autorizuar të flisnin për këtë çështje, i thanë CNBC se mësuan për numrin e 2 miliardë përdoruesve në biseda të brendshme të kompanisë. Një person tha se Instagram arriti shifrën rekord rreth një javë përpara se Facebook të ndryshonte emrin në Meta në Tetor.
Instagram u lançua në vitin 2010 dhe u ble nga Facebook për rreth 1 miliard dollarë dy vjet më vonë, si pjesë qendrore e përpjekjes së CEO-s Mark Zuckerberg për të kaluar nga web në mobile. Aplikacionit iu deshën tetë vite për të arritur 1 miliard përdorues dhe vetëm tre vite për ta dyfishuar këtë numër.
“Kjo është një shifër mjaft domethënëse e rritjes vjetore të përdoruesve,” tha David Heger, analist në Edward Jones.
Heger tha se shpejtësia e zgjerimit në 2 miliardë përdorues është veçanërisht e rëndësishme duke pasur parasysh konkurrencën e madhe që është shfaqur nga TikTok, e cila është rritur në popullaritet duke e bërë të thjeshtë për njerëzit që të krijojnë dhe ndajnë video të shkurtra, argëtuese.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
