Teknika më e re e Inteligjencës Artificiale do t’ju largojë frikën specifike që keni - Business Magazine Albania

Teknika më e re e Inteligjencës Artificiale do t’ju largojë frikën specifike që keni


Një ekip neuroshkencëtarësh thanë se ata kanë gjetur një mënyrë për të ”rinovuar” trurin e njeriut për të kapërcyer frikën specifike. Qasja e tyre, në qoftë se provohet në studime të mëtejshme, mund të çojë në mënyra të reja të trajtimit të pacientëve me fobi ose çrregullime të stresit post-traumatik (PTSD).

Rreth 19 milionë të rritur amerikanë ose 8.7% e popullsisë së rritur, vuajnë nga frikëra të vazhdueshme për objekte të veçanta ose situata të veçanta, sipas Institutit Kombëtar të Shëndetit Mendor.

PTSD, një tjetër lloj i çrregullimit të ankthit, prek rreth 7,7 milionë të rritur në SHBA dhe mund të zhvillohet pasi një person përjeton trauma, të tilla si sulmet seksuale apo sulmet ushtarake.

Autorët e studimit thanë se donin të zhvillonin alternativa të trajtimeve ekzistuese për ankthin. Terapitë, për shembull, përfshijnë ekspozimin e pacientëve në frikën e tyre me idenë se ata do të mësohen me dhoma të errëta, ndërtesa të larta ose ashensorë të cilët nuk janë të dëmshëm.

Qasja e re kombinon inteligjencën artificiale (AI) dhe skanimin e teknologjisë së trurit në një teknikë të quajtur “Decoded Neurofeedback”.

teknika-e-re-e-inteligjences-artificiale-tju-largoje-friken-specifike-qe-keni-business-mag

“Për eksperimentin e tyre, neuroshkencëtarët kanë punuar me 17 vullnetarë të shëndetshëm. Në vend që t’i testonin pjesëmarrësit me fobitë ekzistuese, studiuesit krijuan diçka të re të quajtur “kujtesë frike”, duke i dhënë vullnetarëve një goditje të shkurtër elektrike, kur shikonin një imazh të caktuar në kompjuter.

Skaneri i trurit monitoronte aktivitetin mendor të vullnetarëve dhe ishte në gjendje të vendoste shenjat e atij kujtimi të veçantë frike.

“Sfida më pas ishte për të gjetur një mënyrë për të reduktuar ose hequr frikën në kujtesë, ndonjëherë pa vetëdije duke e evokuar atë,” tha Ben Seymour, një bashkë-autor dhe një neuroshkencëtar në Departamentin e Inxhinierisë në Universitetin e Cambridge në një deklaratë për shtyp.

Seymour tha se truri i vullnetarëve ende tregon shenja të atij kujtimi të veçantë frikë, edhe kur ata ishin duke pushuar dhe jo të ndërgjegjshëm apo të vetëdijshëm për frikën.

Meqënëse shkencëtarët mund të deshifronin ato modele të trurit, ata i dhanë pjesëmarrësve një sasi të vogël parash, në mënyrë që kujtimet e frikës të lidheshin me shpërblime. Vullnetarëve u tha se shpërblimi i tyre cash u pasqyrua në aktivitetin e trurit të tyre por ata nuk e dinë se si. Ekipi e përsëriti këtë procedurë gjatë tre ditëve.

Në fund të terapisë së shpërblimit, neuroshkencëtarët u treguan vullnetarëve të njëjtën fotografi para goditjes elektrike. Qendra e frikës së trurit, amygdala, nuk tregoi ndonjë aktivitet të zgjeruar.

“Kjo do të thotë se ne do të jemi në gjendje të reduktojmë frikën në kujtesë pa e kuptuar vullnetarët se po përjetojnë frikë në proces”, tha Ai Koizumi, njëri nga shkencëtarët.

Autorët e studimit theksojnë se eksperimenti i tyre ishte relativisht i vogël dhe se duhen hulumtime të mëtejshme për t’a kthyer këtë qasje në një trajtim të verifikuar klinik për pacientët me fobi ose PTSD.

Megjithatë, ata thanë se shpresonin se “Decoded Neurofeedback” mund të ndihmojë pacientët të shmangin stresin e terapive të ekspozimit ose efekteve anësore të terapive me bazë në droga.

Burimi: mashable.com 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0