Në një kohë kur tensionet politike mes Kanadasë dhe SHBA-së po rriten, një grup i vogël, por i vendosur, të rinjsh shqiptarë po përpiqen të ngrejnë ura bashkëpunimi, solidariteti dhe shprese, jo vetëm për veten e tyre, por për të gjithë ata që ndihen të humbur në emigracion.
Pas suksesit të vitit të kaluar, konferenca “NextGen Professional Conference” rikthehet për të dytin vit radhazi në Toronto, më 29 mars 2025, nën organizimin e iniciativës Albanian Youth, një organizatë jo-fitimprurëse, jo-politike dhe e decentralizuar, e krijuar nga profesionistë shqiptarë që kanë emigruar në 5 vitet e fundit drejt Kanadasë.
Një zë për ata që nuk ndihen më të dëgjuar
“Të emigrosh në Kanada apo SHBA nuk është më ëndërr, por shpesh një betejë e heshtur me papunësinë, ankthin dhe vetminë,” thotë Valentin Cela, themelues i kesaj conference.
Në konferencë do të diskutohen çështje të mprehta që prekin direkt të ardhurit e rinj:
- Ndryshimet e reja në politikat e vizave,
- Roli i teknologjisë në tregun e punës,
- Mundësitë e sipërmarrjes për emigrantët shqiptarë në Amerikën e Veriut.
Por më shumë sesa një diskutim, organizatorët synojnë të krijojnë një rrjet mbështetës mes profesionistëve shqiptarë në SHBA dhe Kanada, për të ndarë jo vetëm sfidat, por edhe rrugët për t’i tejkaluar ato.
Rrënjët shqiptare, forca e diasporës
Pa bujë mediatike, pa sponsorë të mëdhenj, me fonde që vijnë nga vetë komuniteti, kjo organizatë ka ndihmuar tashmë mbi 250 të rinj në gjetjen e punës, orientimin profesional dhe integrimin në jetën e re. Të gjithë anëtarët e saj janë vullnetarë, të shtyrë vetëm nga dëshira për të ndihmuar.
“Ne besojmë se kur një shqiptar ndihmon një tjetër, malet lëvizin,” thonë ata, duke sjellë në jetë një proverbë të vjetër që tingëllon më aktuale se kurrë në një botë të fragmentuar.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
