Një pjesë e madhe e bizneseve janë vënë në vështirësi për shkak të pandemisë së koronavirusit, por disa të tjerë e kanë kanë konsideruar këtë si kohën më të mirë për të hapur një biznes. Madje, disa prej tyre janë frymëzuar nga periudha në karantinë.
Një qendër tregtare në Miami ka tërhequr vëmendjen e mediave në SHBA, për shkak të emrit dhe artikujve në dyqan. Dyqani “Covid-19 Essentials” u hap pas karantinës në Miami, duke përdorur pandeminë si një arsye për të hyrë në treg.
Kushdo që hyn në dyqanin “Covid-19 Essentials”, fillimisht mat temperaturën përmes pajisjes së teknologjisë së lartë, të vendosur në hyrje.
Lexoni: Lançohet dua.com, aplikacioni që bashkon shqiptarët në mbarë botën
Brenda në dyqan ka një shumëllojshmëri maskash, përfshirë ato me filtra karboni dhe një sërë opsionesh për të blerë një maskë të personalizuar sipas dëshirës. Klientët mund të blejnë aty maska, xhel dezinfektues, matës të temperaturës dhe më shumë produkte të tjera.
“Ne kemi gjithçka, që lidhet me COVID-19” – thotë Nadav Benimetzky për televizionin WSVN.
Ai thotë se “kërkesa ishte atje”. Të gjithë kërkonin maska, pajisje sanitare dhe gjithçka që lidhet me Covid. Ai thjesht ua bëri më të thjeshtë klientëve për t’i gjetur ato. Dyqani i ri ka tërhequr vëmendjen e përdoruesve në rrjetet sociale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
