Platforma e parë rajonale e tregtisë elektronikeEcommerce4all.eu, e përfunduar së fundmi, përfaqëson një qendër informacioni për tregtinë elektronike në CEFTA. Platforma është zhvilluar nga Shoqata Maqedonase për E-commerce – AETM, si zbatuesi kryesor i platformës, në bashkëpunim me Shoqatën Shqiptare të E-commerce dhe shoqatat e tjera të e-commerce në rajon.
Qëllimi i kësaj platforme e cila është falas për të gjithë dhe ka karakter informativ dhe edukativ, është të rrisë konkurrencën e bizneseve të tregtisë elektronike ndërkufitare në tregjet e CEFTA-s (Shqipëri, Bosnje dhe Hercegovinë, Mal i Zi, Moldavi, Maqedonia e Veriut, Serbia dhe Kosova*).
Sipas informacionit në edicionin e 5-të të punimit kërkimor “TOP 500 rishitësit ndërkufitare në Evropë”, të lëshuar në mars 2023, tregtia elektronike ndërkufitare në Evropë kishte një vlerë prej 179.4 miliardë euro në vitin 2022, duke përfaqësuar një rritje prej 4.8% krahasuar me vitin e kaluar. Dyqanet online evropiane realizuan një xhiro rekord prej 105.5 miliardë eurosh me shitjet ndërkufitare, një rritje prej 5.5% krahasuar me vitin 2021.
Lexo:Bullgaria lider në teknologjinë e hidrogjenit në Ballkan
Zhvillimi i tregtisë elektronike ndërkufitare në rajonin e CEFTA-s është një nga prioritetet e BE-së dhe qeverive në rajon, dhe në të njëjtën kohë një sfidë e madhe për kompanitë që duan të zgjerohen në tregjet e tjera me e-commerce. Deri më tani, nuk ka ekzistuar një vend i vetëm ku kompanitë mund të informohen për të gjitha aspektet që lidhen me tregtinë elektronike në tregjet e tjera dhe veçanërisht për mundësitë e tregtisë elektronike ndërkufitare.
Platforma e internetit, e cila është e para në llojin e saj, është një burim unik dhe qendër arsimore që përmban informacione të rëndësishme në një vend për të gjitha aspektet kryesore të fillimit dhe drejtimit të një biznesi të tregtisë elektronike, e strukturuar në 5 module – të dhënat e tregtisë elektronike, rregullimi në tregtinë elektronike, pagesat elektronike, dërgesat dhe tregimet e suksesit nga rajoni. Secili prej këtyre moduleve përmban informacion përkatës specifik për një treg të caktuar të CEFTA-s, si dhe udhëzime, manuale, dokumente të lidhura dhe prezantime video të disponueshme në anglisht dhe gjuhët lokale të secilit prej këtyre tregjeve.
Në platformën e internetit, përdoruesit mund të mësojnë se si të nisin një biznes e-commerce në disa hapa të thjeshtë, cili është procesi i një transaksioni online dhe kush merr pjesë në të, sa të sigurta janë transaksionet online, cilat janë të drejtat e mbrojtjes së konsumatorëve në internet në secilin prej këtyre tregjeve, cilët operatorë postarë janë të disponueshëm në çdo treg të CEFTA-s, cilat janë procedurat për importin dhe eksportin e produkteve të e-commerce, cilat janë historitë e suksesit të tregtisë elektronike për çdo treg të CEFTA-s dhe shumë informacione dhe burime të tjera.
Presidenti i AECA, Valer Pinderi, tregon për këtë projekt se ky është hapi i parë për bashkëpunim të mëtejshëm mes rajonit tonë. Ky është projekti i parë i përbashkët për shoqatat tona dhe gjithashtu ndikimi është në rrugën e duhur për shumë më tepër bashkëpunime të mëtejshme.
Zhvillimi i platformës “Ecommerce4All” mbështetet nga Fondi i Hapur Rajonal për Evropën Juglindore – Tregtia e Jashtme, i porositur nga Bashkimi Evropian (BE) dhe Ministria Federale Gjermane për Bashkëpunim Ekonomik dhe Zhvillim (BMZ), zbatuar nga Deutsche Gesellschaft für Internationale Zusammenarbeit (GIZ) GmbH. Fondi synon të përmirësojë zbatimin e agjendës së reformave për tregtinë dhe konkurrencën në ekonomitë e CEFTA-s në përputhje me kërkesat e procesit të përafrimit me BE-në.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
