Sulmi kibernetik në Shqipëri/ Hakerat iranianë vjedhin të dhënat e ish-drejtorit të Policisë së Shtetit, Gledis Nano - Business Magazine Albania

Sulmi kibernetik në Shqipëri/ Hakerat iranianë vjedhin të dhënat e ish-drejtorit të Policisë së Shtetit, Gledis Nano

Sulmi kibernetik

Të dhënat e ish-Drejtorit të Policisë së Shtetit, Gledis Nano janë vjedhur nga hakerët iranianë të Homeland Justice gjatë sulmit kibernetik të sistemit TIMS.

Hakerët kanë nxjerrë në Telegram në një grup të hapur të dhënat e TIMS të Nanos, që do të thotë se ata kanë pasur akses të plotë në TIMS gjatë kohës së sulmit. Ata gjithashtu kanë publikuar edhe mailboxing e tij, ku gjendeshin e-maile nga viti 2021 dhe më tej në kohën që Nano ka qenë në detyrë.

Janë me shumë se 1400 e-maile dalëse dhe 1200 hyrese dhe mbi 1400 attachment.

E-mailet janë me Kryeministrinë, me Ministrinë e Brendshme, me ambasada të shteteve të ndryshme, për menaxhimin e policisë, pikave kufitare dhe menaxhimin e aktiviteteve të mëdha siç ishte ajo e Conference League që u mbajt në maj në Tiranë.

Ata publikuan të gjitha të dhënat biometrike të ish-drejtorit Gledis Nano, së bashku me të dhënat e çdo hyrje-dalje që ka bërë Nano në vend për periudhën 2004-2022.

Ndërkohë ende nuk ka asnjë reagim zyrtar as nga ana e Gledis Nanos apo e institucioneve qeveritare në lidhje me këtë situatë.

Në faqet e hakuara është i njëjti simbol që është shfaqur në disa kompjuterë të policisë, kur Irani sulmoi sistemin TIMS disa javë më parë.

Gjithashtu pasi kanë sulmuar sistemin TIMS në Shqipëri, hackerat iranianë kanë publikuar një video në faqen ‘Homeland Justice’ të një prej pikave kufitare, në Rinas, në momentin që policët zbulojnë se kanë rënë pre e një sulmi kibernetik.

Në video shënohet ora 20:00 e datës 9 shtator 2022. Sistemi nuk funksionon dhe duket teksa polici i bën refresh dhe kërkon edhe ndihmë, ndërkohë që qytetarët presin në radhë për të bërë verifikimin.

Bazuar në pamje ata arritën të hakeronin edhe kamerat në të disa pika të kalimit kufitar të vendit tonë.

Vendi ynë prej javësh u përball me sulmin kibernetik të sistemit TIMS, duke sjellë kaos në pikat kufitare të vendit.

Lexo: E-Albania ende jashtë funksionit. Sulmi kibernetik mund të rezultojë në fshirje të dhënash

Qeveria shqiptare mori vendimin që të dëbonte diplomatët iranianë në Tiranë pas kësaj situate të krijuar, duke njoftuar  prishjen e marrëdhënieve diplomatike me Iranin.

Stafi i ambasadës la pa memorie serverin e kamerave të sigurisë dhe disa pajisje teknologjike në godinë, ndërsa dogji dokumentet që gjendeshin në zyrat e ambasadës.

Shtetet e Bashkuara të Amerikës sanksionuan 10 hakerë iranianë, të cilët kishin sulmuar disa shtete në të gjithë botën.

Top Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0