Studim: "Performanca e SME-ve në Shqipëri" - Business Magazine Albania

Studim: “Performanca e SME-ve në Shqipëri”


Instituti Shqiptar i SME-ve “SME Albania” zhvilloi një studim mbi performancën e sipërmarrjeve të vogla dhe te mesme (SME) në vendin tonë, për periudhën Janar – Shtator 2018.

Metodologjia e përdorur në këtë studim ishte e bazuar mbi pyetësorët, intervistat dhe analizën e të dhënave. Intervistimi u zhvillua me  500 sipërmarrje në sektorët: Agro-përpunim, ICT, Shërbime, Manifakturë (Fason), Bimë medicinale, Plastikë-riciklim, Hoteleri dhe Artizanat.

Lexoni: SME Albania, platforma që do mbështeti sipërmarrjen

Shpërndarja gjeografike e të intervistuarve ishte në qytetet: Tiranë, Durrës, Elbasan, Shkodër, Gjirokastër, Sarandë, Vlorë, Përmet, Korcë, Rrëshen dhe Kavajë.

Kompanive ju paraqit një pyetësor me 28 pyetje. Përgjigjet e këtyre pyetjeve dhanë rezultatet si më poshtë:

Mosha mesatare e administratorëve është 40 vjec, nga të cilët, 58% janë meshkuj dhe 42% femra.

Niveli i edukimit i të intervistuarve rezultoi si më poshtë:

10% e sipërmarrësve janë me arsim të mesëm, 65% kanë arsim universitar dhe 25% e tyre zotërojnë diploma Master.

Aksesi në financë

Të intervistuarit u pyetën mbi mënyrën e financimit të biznesit të tyre. Aksesi në financë mbetet një nga shqetësimet kryesore kur analizojmë mundësitë e të bërit biznes në Shqipëri.

Lexoni: Si të mos e “vrisni” biznesin tuaj? Disa këshilla nga Makwana dhe Morrow në seminarin “The Start up Business & Access to Finance”

Përgjigjet e të intervistuarve tregojnë se 15.4% e tyre kanë filluar aktivitetin duke marrë hua bankare, rreth 5% e tyre e kanë nisur sipërmarrjen me para të fituara nga emigracioni, 61% kanë përdorur burime personale, nga kursimet, dhe 13% janë ndihmuar me hua nga familjarë dhe të afërm.

Kohëzgjatja e biznesit

68.8% e të intervistuarve u shprehën se janë biznes i ri (deri në 2 vite), 18% rezultuan biznese ekzistuese (mbi 2 vite) dhe 8 % janë biznese të trashëguara.

Numri i kontratave Janar – Shtator 2018

59% e sipërmarrjeve të intervistuara vërejnë një rritje të numrit të kontratave, krahasuar me të njëjtën periudhë të një viti më parë; 33% u shprehën se vazhdojnë me të njëjtin aktivitet, ndërsa 8.1% refuzuan të përgjigjen.

Shërbimet

Referuar pyetjeve mbi shërbimet që marrin nga institucionet e Doganës dhe Tatimeve, 75% e të intervistuarve u shprehën se është përmirësuar shërbimi në këto institucione. 25 % e të intervistuarve u shprehën se shpesh herë kanë hasur burokraci në shërbime.

Detyrime të tepërta

Një nga pyetjet e shtruara në vijim ishte lidhur me detyrime të ndryshme që paguan një SME në Shqipëri dhe vlerësimi për secilin nga këto detyrime (nëse janë të tepërta apo jo).

Kështu, 20% e sipërmarrësve vlerësojnë taksën e truallit si të tepërt për tu paguar nga një SME; 25% vlerësojnë të tillë taksën për arsimin (kjo referuar bizneseve në Tiranë); 11.6% e të intervistuarve mendojnë që taksa e tabelës është e tepërt; rreth 37% mendojnë që TVSH është një detyrim i tepërt për biznesin e vogël. Ndërkohë, një pakicë prej 7% mendon që asnjë nga detyrimet nuk i duket i tepërt.

Punësimi:

  • 75 % e sipërmarrjeve të intervistuara u shprehën se kishin rritje të numrit të të punësuarve për periudhën Janar – Shtator 2018.

Tregu dhe standartet

  • Mbi 60 % e të intervistuarve kishin informacion mbi certifikimet ISO dhe standardet që kërkon tregu jonë dhe ai i BE.

Tregtia me jashtë

Referuar pyetjeve mbi tregtinë e jashtme:

  • mbi 50 % e sipërmarrjeve  ndihen të sigurta nga konkurrenca e produkteve të importit,
  • 70 % e tyre i njohin procedurat e eksportit por nuk kanë eksportuar ndonjëherë,
  • Lidhur me marrëveshjet e tregtisë së lirë, 65% e sipërmarrjeve u shprehen se nuk kanë informacion.

Problematika për periudhën Janar – Shtator 2018:

Sipërmarrësit u pyetën mbi problematikat kryesore të hasura gjatë zhvillimit të aktivitetit të tyre.

Problemet kryesore që rezultojnë janë si më poshtë:

  • Infrastruktura, një problem ky sidomos për sipërmarrjet në sektorin e turizmit,
  • Zhvlerësimi i euros, që prek sipërmarrjet eksportuese,
  • Tregu i punës i pa kualifikuar dhe vështirësia për të gjetur punonjësit e kualifikuar,
  • Konkurrenca e pa ndershme, që vazhdon të mbetet shqetësuese sepse ndikon kryesisht në uljen e cilësisë së produktit apo shërbimit të ofruar,
  • Mungesa e institucioneve këshillimore për biznesin.

Lexoni: Niamh Bushnell: Ndërtoni biznese të reja me besim të plotë tek vetja dhe skuadra

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0