Studenti i mjekësisë është në rrugë për t’u bërë milioner në moshën 21 vjeçare

Gurvin Singh, thotë se e nisi gjithçka me vetëm 130 paund investim, por tani fiton mijëra dollarë çdo muaj falë aftësive të tij, pasi mësoi si të tregtojë monedha në tregun e këmbimit valutor “Forex”.

Singh, tani 20 vjeç, pretendon se do të bëjë milionin e parë në ditëlindjen e tij të 21-të, në janar të vitit 2020.

Tani ai vozit një makinë të modelit Maserati të veshur me ngjyrë ari me numër personal të targave dhe ka kushtuar rreth 65 mijë dollarë,

20-vjeçari arrin të fitojë 130 mijë dollarë në muaj, falë interesave të tij të ndryshme në biznesin e “Forex”, kurset e trajnimit që ai ka krijuar dhe ndërmarrjet e tjera.

I riu, i cili është në vitin e tretë të studimeve për mjekësi në Universitetin e Plymouth në Mbretërinë e Bashkuar, dëshiron që të bëhet doktor, por paralelisht do të merret edhe me tregun e këmbimit valutor.

Përveç Maseratit, ai ka edhe një Mercedes Benz S-Class që kushton 28 mijë dollarë dhe një Jaguar, me vlerë 17 mijë dollarë.

Në vitin e kaluar, ai gjithashtu ka blerë dhe shitur një Audi A5, një Audi A1, BMW seria 7 dhe gjithashtu një BMW seria 6.

Ai tha: “Unë kam pasur shumë vetura. Por Maserati më pëlqen më shumë dhe dua ta ruaj.” Ai paguan çdo vit rreth 15 mijë dollarë për sigurimet e Maseratit dhe e parkon automjetin në një vend të sigurt në kampusin e tij universitar.

Megjithatë, sa më i pasur që bëhet, aq më tepër rriten “kërkesat”. Ai tregoi se vitin që vjen dëshiron të blejë një Lambo të artë.

Singh ishte vetëm 19 vjeç kur filloi tregtimin në Forex si një mënyrë për të financuar studimet e tij në Universitetin e Plymouth.

Dailymail