“Njerëzit janë të ndryshëm dhe për disa humbja e privatësisë vlen, para përfitimeve nga Facebook. Për shumë të tjerë si unë, rekomandimi im është të gjejnë një mënyrë për t’u larguar nga rrjeti social”, tha ai.
Ose Facebook dhe konkurentët e tij duhet të japin një opsion për privatësinë, sugjeron Wozniak.
“Njerëzit mendojnë se janë të sigurt online, por jo. Pse Facebook nuk më krijon një mundësi zgjedhjeje? Më lër të paguaj një sasi të caktuar dhe të dhënat e mia do të jetë të sigurta dhe private që të mos u shpërndahen kompanive të ndryshme të reklamave”.
Në muajin prill të vitit 2018, Wozniak fshiu çdo të dhënë të tij nga llogaria në Facebook.
“Përdoruesit shpërndajnë çdo detaj të jetës së tyre në Facebook dhe… Facebook, pa e kuptuar askush, bën shumë para nga reklama që lidhen me këto detaje. Përfitimet bazohen të gjitha në informacionin e përdoruesit, por këta të fundit nuk marrin mbrapsh asnjë përfitim”.
“Mendoj se është diçka që nuk e ndalojmë dot. Por gjithçka varet nga ty. Sot, ata që qëndrojnë pas teknologjisë mund të të masin rrahjet e zemrës, mund të të përgjojnë me shumë pajisje. Ndoshta dhe tani telefoni yt përgjohet. Edhe Alexa nuk mbetet mbrapa”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
