Startup-i kosovar Smart TV Solaborate fiton 10 milionë dollarë investim


Kur motër e vëlla, Labinot dhe Mimoza Bytyqi u larguan nga lufta e Kosovës në 1999 dhe emigruan në Bregun Perëndimor në Shtetet e Bashkuara, as nuk e kishin imagjinuar se në të ardhmen do të krijonin një kompani teknologjie së bashku.

Tashmë të rritur, dyshja vendosi të futet në tregun 6.7 miliardë dollarësh të komunikimit përmes televizioneve dhe videove. Ky treg nuk ka përparuar shumë që prej sistemit të vjetër të biznesit Cisco dhe Polycom. Duke integruar pajisjen e tyre Solaborate tek televizorët smart, themeluesit kanë sjellë një platformë dhe pajisje shumë të lirë.

Solaborate tashmë ka marrë një financim prej 10 milionë dollarë të Serisë A të ofruar nga EPOS dhe Demant Group. EPOS është një kompani teknologjie dhe kujdesi shëndetësor që është krijuar së fundi në Danimarkë, e cila ofron dizejnime audio të nivelit të lartë për sipërmarrjen dhe lojërat. Ky financim do të shërbejë për të nxitur zhvillimin e pajisjeve të reja të Solaborate, të cilat janë quajtur HELLO dhe do të mundësojnë komunikimin përmes platformës së re.

Lexo këtu: Çfarë është Android TV Box dhe nga ndryshon me Dream Box?

Pas dy fushatave të suksesshme Kickstar, Solaborate do të bashkëpunojë me EPOS për të kombinuar kompjuterat, mikrofonat, spikerat dhe televizorët smart me teknologjinë e tyrë për të krijuar produkte që zotërohen vetëm nga marka EPOS. Këto do të shkaktojnë vonesa në marrjen e patentës nga ana e Solaborate.

Labinot Bytyqi, themelues dhe CEO thotë se, “ne besojmë se privatësia është një e drejtë themelore e njeriut, prandaj  kemi krijuar pajisjet HELLO me kontrollin video dhe audio, për të mbrojtur të dhënat e klientëve dhe për t’u ofruar atyre siguri dhe qetësi”.

Një pajisje HELLO ka nevojë vetëm për dy kabuj-HDMI dhe energji elektrike- më pas kjo pajisje mund të lidhet me çdo televizor dhe mund ta komandojë atë përmes zërit. Përdorimi i kësaj pajisjeje është shumë efikas gjatë video-konferencave përmes platformave si Microsoft Teams, Google Hangouts Meet, Zoom, Skype, Cisco WebEx, Facebook Messenger, WeChat, BlueJeans, Fuze, Unify dhe shumë të tjera. Partneriteti do të fokusohet në bashkëpunimin përmes videove për të shpërndarë video/audio të integruara tek partnerët strategjikë të platformës EPOS siç është Microsoft. Ata po futen në një derë që tashmë është hapur. Tregu i video-konferencave parashikohet të pësojë një rritje nga 1.8 miliardë tek 2.8 miliardë dollarë në vitin 2022, sipas disa studimeve.

techcrunch

 

 

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale