Kur Planet bleu SkySat nga Google në 2017, e bëri me qëllimin për tu bërë kompania më e shpejtë dhe e gjithanshme e imazheve satelitore në botë. Tani, falë matematikës së hapësirës, dhe me një ndihmë të vogël nga SpaceX i Elon Musk, kompania është duke u përgatitur të ofrojë imazhet më të detajuara dhe të përditësuara të Tokës deri më tani.
Planet ofron imazhe satelitore për një rang të gjerë sektorësh, si: agrikulturë, energji, marinën dhe pylltarinë. Këto konsumatorë duan informacion në kohë dhe të saktë, të cilin SkySat e ka bërë ka bërë një punë të mjaftueshme. Por Planet, mendon se ka vend për përmirësime. Për këtë arsye, përgjatë gjashtë muajve të fundit, kompania ka ulur flotën e saj nga lartësia 500 km në 450 km. Nëse doni të shihni diçka më qartë, ju duhet të afroheni më shumë për ta parë, apo jo? Ky ushtrim ka rritur rezolucionin e imazheve të Planet nga 80 cm në 50 cm.
Mund të mos ju duket shumë, por kjo do të thotë se automjetet në rrugë që më parë ishin të padallueshme, tani mund të identifikohen si makina apo kamionë, dhe ky është një zhvillim që nevojitet për të ndihmuar infrastrukturën për mbërritjen e automjeteve autonome, dhe madje për të përmirësuar mënyrën e përdorimit të GPS. Por qartësia e imazheve satelitore nuk është e vetmja gjë që Planet po synon të përmirësojë.-frekuenca e imazheve është një tjetër objektiv në axhendën e kompanisë. “Intervalet më të shkurtër midis fiksimit së imazheve ndihmojnë klientët të kuptojnë dhe karakterizojnë ndryshimet e nxitura nga veprimtaria njerëzore ose ngjarjet e paparashikuara. Gjithashtu rrit mundësinë që klientët të kenë një pamje pa re, ose një imazh të këndeve specifike të hijes që mund të jenë të rëndësishme për analiza. ”
Këtu hyn në lojë SpaceX. Në Maj, Planet deklaroi se do të lançojë 6 satelitë të tjerë SkySat në orbitën e ulët të Tokës, me ndihmën e raketës Falcon 9. Tre satelitë-secili me madhësinë e një makine larëse dhe me peshë rreth 110 kg, do të lançohen në javët në vazhdim, me tre të tjerët që do të përdoren në korrik. Me një total prej 21 satelitësh SkySat në orbitë, Planet do të mund të kapë imazhe të disa vendndodhjeve globale deri në 12 herë në ditë, me një mesatare globale prej shtatë herë në ditë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
