Prej ditës së sotme do të hapen baret, restorantet dhe pishinat në ambiente të mbyllura sipas protokolleve të hartuara nga autoritetet shëndetësore. Klubet e natës, pub-et dhe diskot do të vijojnë të qëndrojnë të mbyllura.
Baret dhe restorantet duhet të rihapen me tavolina me nga dy metra distancë. Asnjë punonjës me temperaturë mbi 37.5 nuk do lejohet të qëndrojë në punë.
Administratori i lokalit dhe restorantit çdo ditë duhet të bëjë vlerësimin e gjendjes shëndetësore të punonjësve për simptomat e COVID-19 dhe nëse ka dyshime lajmërohet 127 dhe largohen nga puna. Punonjësi përpara se të paraqitet për të marrë detyrën duhet të deklarojë nëse ka pasur kontakt me persona të cilët kanë rezultuar me COVID.
Në hyrje të lokalit apo restorantit vendoset higjienizues dhe shenjat vizuale në dysheme.
Ndërkohë një protokoll strikt do të zbatohet edhe për pishinat në ambiente të mbyllura. Sipas protokollit këto ambiente do të vizitohen me një orar të përcaktuar nga klientët, të cilët duhen njoftuar për ardhjen në orar dhe jo më herët.
Në rast se një person dyshohet se është i infektuar nuk lejohet të hyjë në ambientet e brendshme të pishinës. Në pishinë nuk duhet të qëndrojë më shumë se një person në një hapësirë 3 m katrorë.
Maska është e detyrueshme në zonat përreth pishinës ndërsa këshillohet mbajtja e saj edhe gjatë trajnimeve. Çdo klienti do t’i matet temperatura dhe nëse ajo shkon 37.5 njoftohet mjeku i familjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
