Nuk kam asgjë. Jam mirë.
Për herë të parë zhvillohet një program kompjuterik që është më efektiv se njerëzit për t’u treguar atyre se si ndihet dikush, duke u nisur vetëm nga zëri.
“Shpikja” është produkt i bashkëpunimit mes psikologëve dhe shkencëtarëve të kompjuterave në Universitetin e Rochester të Nju Jork-ut. Ndërsa Softueri nuk është i pari që tenton të realizojë objektivin, është i pari që arriti rezultatin më të lartë në njohjen e emocioneve të njerëzve më mirë se ç’do bënin këta të fundit.
Ai funksionon pa qenë nevoja që zëri të regjistrohet dhe outputi (rezultati) i tij i vetëm janë emocionet e identifikuara prej programit.
Prindër dhe fëmijë
Nga 700 modele audio që u testuan, programi arriti të shënonte rezultate pozitive në njohjen e emocioneve njerëzore në 72% të rasteve krahasuar me 60% të rasteve me rezultate pozitive që u dhanë nga një kampion prej 138 të anketuarish të rekrutuar nga platforma Mechanical Turk e Amazon.
Kur progamit iu kërkua të “kalonte” ato sekuenca audio për të cilat nuk kishte siguri në dhënien e një përgjigjie të saktë në lidhje me emocionin përkatës, atëherë përqindja e përpikmërisë u rrit në 85%.
Stafi planifikon ta përdorë softuerin për të regjistruar ndërveprimet midis fëmijëve dhe prindërve të tyre dhe të studiojë mënyrën se si këto emocione ndikojnë në zhvillimin e fëmijës.
Na Yang, një nga shkencëtaret kompjuterike qëqëndron pas këtij projekti, e përmblodhi studimin në tezën e saj PhD, e cila mund të gjendet në website e Universitetit Rochester.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
