Snapchat po rishikon mënyrën se si influencerat fitojnë para në platformë. Ata po prezantojnë një program të ri dhe të unifikuar monetizimi.
Programi i ri do të mbulojë përmbajtjen që publikohet në Stories, si dhe në Spotlight nëpërmjet feed-it të rekomanduar video, i ngjashëm me TikTok. Sipas programit, influencuesit do të fitojnë të ardhura për reklamat e vendosura në Stories dhe postimet e Spotlight të cilat plotësojnë kushtet.
Më parë, monetizimi i këtyre formateve ishte i ndarë. Të ardhurat nga Stories dhe nga Spotlight menaxhoheshin përmes programeve të ndara.
Programi i ri është aktualisht në fazë testimi me një grup të vogël përdoruesish. Ai do të nisë gjerësisht më 1 shkurt 2025. Për t’u bërë pjesë e tij, përdoruesit duhet të arrijnë një sërë karakteristikash për t’u ftuar. Ata duhet të kenë 50,000 ndjekës dhe/ose 10 milionë views Snap, 1 milionë views Spotlight, ose 12,000 orë kohë shikimi në 28 ditët e fundit.
Lexo edhe:“Menaxho dhe rrit rezervimet me Patoko” – AlbaniaTech hap serinë e “Product Launch Event” në OneConnect Hub
Përdoruesit gjithashtu duhet të publikojnë rregullisht. Ata duhet të kenë të paktën 25 postime në muaj në Stories të ruajtura ose Spotlight. Po ashtu, duhet të publikojnë në Spotlight ose Stories publike në të paktën 10 nga 28 ditët e fundit. Disa nga këto kërkesa janë dukshëm më të larta se sa ishin në strukturën e vjetër. Për të fituar para përmes Spotlight, për shembull, krijuesit më parë duhej të kishin një profil publik, 1,000 ndjekës dhe 10,000 views.
Platformat e tjera të videove gjithashtu kanë thjeshtuar ose ndryshuar fondet origjinale për krijuesit. TikTok, për shembull, tani ka një program të vetëm për krijuesit që kërkon video më të gjata se 1 minutë. Në YouTube, krijuesit e Shorts fitojnë para përmes të ardhurave nga reklamat. Ky është një hap i rëndësishëm i kompanisë për të konkurruar me TikTok.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
