“Menaxho dhe rrit rezervimet me Patoko” – AlbaniaTech hap serinë e “Product Launch Event” në OneConnect Hub

Inovacioni është në zemër të peizazhit të zhvillimit teknologjik në Shqipëri, dhe AlbaniaTech po ndërmerr një hap të guximshëm për të mbështetur këtë rritje. Më 19 Dhjetor, hapësira më e re inovative në Piramidën e Tiranës, OneConnect Hub, do të mirëpresë eventin e parë të Lançimit të Produkteve( Product Launch Events) , duke vendosur bazat për një seri të re eventesh që synojnë fuqizimin e startup-eve dhe inovatorëve të rinj.

Nën temën “Menaxho dhe rrit rezervimet me Patoko!”, ky event inaugurues do të krijojë një mjedis dinamik për studentë, profesionistë të rinj, dhe entuziastë të teknologjisë, duke i integruar ata në ekosistemin më të gjerë të inovacionit në Shqipëri.

Eventi i parë i kësaj serie do të shfaqë risinë më të fundit të Patoko, një ndër zgjidhjet më premtuese dixhitale shqiptare. I themeluar nga Arbër Kadia, Patoko është një SuperApp inovativ i krijuar për të lehtësuar shërbimet dhe rezervimet e përditshme.

Gjatë këtij eventi, pjesëmarrësit do të kenë mundësinë të zbulojnë ekskluzivisht funksionin më të ri të Patoko—një mjet rezervimi që ofron një mënyrë të thjeshtë dhe efikase për të menaxhuar shërbime të ndryshme përmes një aplikacioni të vetëm. Nga rezervimi i shërbimeve të pastrimit deri te organizimi i detyrave të përditshme, Patoko synon t’i bëjë ditët më të lehta dhe më të strukturuara.

Pse duhet të merrni pjesë?

Ky nuk është një prezantim i zakonshëm produkti. Eventet e Lançimit nga AlbaniaTech janë dizenjuar si platforma interaktive, ku inovacioni takohet me mundësinë. Pjesëmarrësit do të mund:

• Të krijojnë kontakte me profesionistë të industrisë, themelues startup-esh dhe drejtues të teknologjisë.
• Të njihen nga afër me vizionin e ekipit të Patoko përmes një interviste interesante.
• Të eksplorojnë funksionalitetet e reja të aplikacionit Patoko dhe të zbulojnë si mund të transformojnë përvojën e tyre të përditshme.

Për më tepër, ju do të jeni ndër përdoruesit e parë që do të përfitoni nga funksioni i ri i aplikacionit dhe përfitimet ekskluzive që ofron.

Detajet e eventit:

• Data: 19 Dhjetor
• Vendndodhja: OneConnect Hub, Piramida e Tiranës
• Ora: 17:30 – 19:30
• Agjenda:
  • 17:30 – 18:00: Regjistrimi
  • 18:00 – 18:15: Intervistë hyrëse me moderatorin
  • 18:15 – 18:30: Prezantimi i startup-it (Patoko SuperApp)
  • 18:30 – 19:00: Sesi Q&A
  • 19:00 – 19:30: Koha për rrjetëzim

Një vizion për të ardhmen

Kjo është vetëm fillimi. AlbaniaTech synon që këto evente të Lançimit të Produkteve të bëhen një highlight mujor, ku startup-et dhe zgjidhjet dixhitale të prezantojnë arritjet më të fundit. Duke bashkëpunuar me ekipe ambicioze si Patoko, AlbaniaTech po kultivon një terren të suksesshëm për gjeneratën e ardhshme të pionierëve të teknologjisë në Shqipëri.

Shënoni datën, shpërndani lajmin dhe përgatituni për një mbrëmje frymëzimi, teknologjie dhe bashkëpunimi.

Bashkohuni me ne në OneConnect Hub—ku startup-et nisin, idetë zhvillohen dhe e ardhmja teknologjike shqiptare merr jetë.