Aksionet e “Renault” ranë ndjeshëm pas këtij lajmi, që vjen rreth dy muaj pasi qeveria i kaloi prokurorit rezultatet e një hetimi të kryer nga agjencia për mbrojtjen e konsumatorit.
Që prej 12 Janarit, 3 gjykatës po shqyrtojnë çështjen dhe ata do të vendosin nëse hetimi i prokurorit do të pasohet nga një gjyq.
Hetimi francez për motorët “Renault” dhe nëse ata shkelin normat e ndotjes, nisi pasi shpërtheu skandali i “Volkswagen”-it me motorët “Diesel”.
Mediat franceze raportojnë se autoritetet franceze dyshojnë që “Renault” të ketë bërë të njëjtën gjë si “Volkswagen”, pra të ketë përdorur një program kompjuterik që fsheh ndotjen e vërtetë që prodhojnë makinat, duke treguar rezultate të rreme brenda normave.
Agjencia e lajmeve “Reuters” shkruan se, pavarësisht disa kërkesave, përfaqësues të “Renault” nuk ishin të disponueshëm për komente.
Burimi: top-channel.tv
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
