Për të tretin vit rradhazi, lista e grave më të fuqishme në fushën e biznesit kryesohet nga Anisa Skëndaj.
Anisa Skëndaj është aksionere mazhoritare (60%) e kompanisë Info Telecom.
12,5 miliardë lekë të vjetra të ardhura xhiroi kjo kompani gjatë vitit 2016. Kompania e saj përfshin disa emra të njohur në fushën e telekomunikaconit dhe marketingut. Fitimet e Skëndaj arrijnë vlerën e 184 milionë lekëve.
Vilma Nushi, renditet e dyta në listën e suksesit me 10,4 miliardë lekë të ardhura nga kompania “Marketing & Distribution” (M&D). Nushi zotëron 100% të aksioneve.
Fitimet e saj kapin vlerën e 318 milionë lekëve.
Të tretat rendiden gratë e familjes Hoxha.
Vjollca Hoxha, Lorela Hoxha, Sara Hoxha dhe Redia Hoxha janë aksioneret e përbashkëta të “Top Media”, të cilat zotërojnë rreth 41% të aksioneve në Digitalb dhe 100% të aksioneve në Top Channel dhe disa kompani të tjera që i drejtojnë.
Gjatë këtiji viti bizneset e tyre sollën të ardhura prej 7,9 miliardë lekësh dhe një fitim prej 225 milionë lekësh.
Në vend të katërt renditet Merita Sheqi që bashkë me të shoqin drejton një kompani tregtimi të produkteve farmaceutike me 606 milionë lekë të ardhura dhe fitime prej 164 milionë lekësh.
Donikë Gega drejton një biznes tregtimi të karburanteve, gazi dhe lubrifikantësh për makina, duke grumbulluar kështu 3,2 miliardë lekë të ardhura dhe 160 milionë lekë fitim.
Sipërmarrja e fasonerisë i ka sjellë shumë fitime Donika Micit, e cila është punëdhënësja më e madhe grua në vend, me 1,800 të punësuar në biznesin e saj të prodhimit të këpucëve që mbajnë mbiemrin e saj. Shitjet e “Mici’s Shoes” shkojnë përtej tregut kombëtar.
Të ardhurat e saj janë 2,9 miliardë lekë dhe fitimet 85 milionë lekë.
Lexoni: Shpallet lista e më të pasurve, ja cilët janë 10 shqiptarët që kryesojnë listën
Ndërkohë lista vazhdon me emra të tjerë të njohura e të panjohura, por shumë të suksesshme në kompanitë që drejtojnë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
