Paaftësia juaj për t’i nxjerrë nga koka mendimet e shumta do t’iu lërë në një gjendje të vazhdueshme ankthi.
Natyrisht, të gjithë i mendojnë situatat herë pas here. Por të paturit e shumë mendimeve është më shumë se një shqetësim, pasi studimet tregojnë se të menduarit shumë mund të shkaktojë probleme serioze për mirëqenien tuaj.
Business Magazine do iu tregojë sot se cilat janë tre rreziqet e të qenit të një personi që mendon shumë:
1. Ajo rrit shanset tuaja për sëmundje mendore.
Një studim i vitit 2013 i botuar në gazetën e raporteve të psikologjisë raporton se të menduarit të shumtë në mangësitë, gabimet dhe problemet tuaja, rrit rrezikun e problemeve të shëndetit mendor.
Reflektimi “i tepërt” mund të të vendosë në një cikël që është i vështirë për t’u thyer. Ai do të shkaktojë probleme në shëndetin tuaj mendor. Ndërkohë që shëndeti juaj mendor bie gjithmonë e më shumë, reflektimi dhe e patura e mendimeve të shumta rritet.
2. Ndërhyn në zgjidhjen e problemeve.
Hulumtimet tregojnë se ata mendojnë se po e ndihmojnë veten duke i patur në mendje problemet e tyre.
Por studimet tregojnë se paraliza e analizës së qartë është e vërtetë.
Duke mbi analizuar çdo gjë, do të ndërhyni në zgjidhjen e problemeve. Kjo do të bëjë që ju të qëndroni tek problemi dhe jo të kërkoni zgjidhje.
Edhe vendimet më të thjeshta, si zgjedhja e asaj që duhet të vishni në një intervistë apo të vendosni se ku do të shkoni me pushime, mund të ndihet si një vendim jetë apo vdekje. Ironikisht, të gjitha këto mendime nuk do t’iu ndihmojnë të bëni një zgjedhje më të mirë.
3. Do të ndërhyjë në gjumin tuaj.
Nëse je një person i cili mendon shumë, me siguri e dini se nuk mund të flini pasi mendja juaj vazhdon gjatë gjithë kohës të mendojë.
Studimet e konfirmojnë këtë, duke gjetur se këto shqetësime çojnë në më pak orë gjumë. Ju me shumë gjasa do të përpëliteni për shumë orë me radhë derisa të flini.
Por fjetja shumë vonë nuk mund t’iu ndihmojë, sepse të menduarit shumë dëmton cilësinë e gjumit tuaj.
Ju do të keni më pak gjasa të bini në një gjumë të thellë pasi të keni menduar për të njëjtën gjë pa pushim.
Si ta ndaloni?
Lajmi i mirë është se nuk duhet të jetë kështu përgjithmonë. Ju mund të ndërmerrni hapa për të ndaluar mendimet për gjithçka. Përdorimi i strategjive të reja dhe zhvillimi i shkathtësive të reja mund t’iu ndihmojë të bëni zgjedhje më të mira, në kohën e duhur me më pak vështirësi.
Burimi: inc.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
