Filantropi miliarder Bill Gates, duke folur përballë pulave që çukitnin dhe kakarisnin në një qiellgërrvishtëse në qytetin e Nju Jorkut, lajmëroi të mërkurën se do të dhuronte 100,000 zogj pule te shtetet e varfra në përpjekje për t’i dhënë fund varfërisë ekstreme.
Zogjtë e pulave do të shkojnë në zona rurale në rreth 20 vende në zhvillim nga Burkina Faso në Bolivi, kur shoqata ndërkombëtare e bamirësisë Heifer menaxhon operacionet e shumimit dhe shpërndarjes, sipas Fondacionit Bill & Melinda Gates.
Rritja dhe shitja e pulave mund të nxjerrë familjet nga varfëria dhe një fermer që rrit 250 pula në vit mund të fitojë 1250 dollarë amerikanë, sipas Fondacionit, që po bashkëpunon me Heifer International.
“Nuk ka asnjë investim që sjell një përfitim më të madh sesa rritja dhe shumimi i pulave,” tha Gates, bashkëthemelues i Microsoft Corp.
Ai nxiti publiku të dhurojë gjithashtu.
“Shifrat e amerikanëve që dhurojnë te Heifer apo bamirësi të ngjashme janë ende shumë të vogla, ndaj do të ishte mirë që të shtohej shifra”, tha Gates.
Duke iu referuar proverbës që e mëson një burrë të peshkojë që të ushqehet për të gjithë jetën, ai tha: “E njëjta gjë mund të thuhet në kuptimin e dhënies së një personi një pule dhe t’i mësosh atij se si ta rrisë atë”.
Gates tha se synon të nxisë rritjen e pulave nga familjarët në vende si Afrika Perëndimore nga 5 për qind aktualisht, në 30 për qind.
Gates e bëri lajmërimin e tij në katin e 68 të një ndërtese të re në Qendrën Botërore të Tregtisë, një vend që nuk përdoret zakonisht për ekspozimin e pulave, tha ai.
“I futëm fshehurazi,” bëri ai shaka.
Sipas Kombeve të Bashkuara, rreth 800 milionë njerëz jetojnë në varfëri ekstreme, ku ata që jetojnë në shtete të shkatërruara nga luftërat vuajnë më së tepërmi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
