Jeta ndryshon kur ju bëheni prindër. Njerëzit fillojnë të përkushtohen dhe të mendojnë më shumë për jetën e fëmijëve. Shumë prindër ditët e sotme shpresojnë që fëmijët e tyre të bëhen sipërmarrës. Të jesh sipërmarrës do të thotë të kesh më shumë para, më shumë kontroll mbi kohën tënde dhe më shumë liri. Më poshtë mund të lexoni disa këshilla nga babai i Mark Zuckerberg, Dr. Edward Zuckerberg për mënyrën si mund të rrisni një fëmijë sipërmarrës.
1.Bëhuni shembull për fëmijën tuaj
Dr. Edward Zuckerberg është një dentist i përkushtuar dhe një baba i përkujdesshëm. Balanca midis profesionit dhe të qenit prind është çelësi i suksesit për të rritur fëmijë të shëndetshëm. Marku i vogël është rritur duke parë të dy prindërit e tij të përkushtuar ndaj punës së tyre. Ata gjithashtu përdornin teknologjinë më të mirë të kohës.
2.Zbuloni dhe ushqeni talentin e fëmijës suaj
Në fillim duhet të zbuloni aftësitë dhe talentet e fëmijës suaj dhe më pas të mbështesni zhvillimin e pasioneve të tyre. Marku i vogël tërhiqej shumë pas kompjuterit të zyrës së babait. Kjo gjë e shtyu Dr. Zuckerberg t’i dhuronte të birit një program për të mësuar gjuhët e programimit. Menjëherë Marku zhvilloi një program të thjeshtë komunikimi për dentistët të quajtur ZuckNet.
3.Tregojuni që jeni krenarë për ta.
Dr. Zuckerberg tregon që djali i tij ishte një student i mirë në shkollë dhe i dhënë shumë pas matematikës dhe shkencave. Atij nuk i pëlqentë të mburrej për arritjet e tij dhe ishtë një djalë shumë i qetë përpara se të shkonte në Harvard. Babai i tij thotë që është krenar për arritjet e të gjithë fëmijëve të tij.
4.Sigurojuni një jetë të mirë
Ka shumë sipërmarrës që bëhen të suksesshëm pavarësisht se kanë qenë të varfër. Gjithsesi është më e lehtë për një fëmijë të bëhet riskmarrës n.q.s i ka shkpatullat e ngrohta. Në rastin e Dr. Edward Zuckerberg ai filloi të siguronte të ardhura për familjen e tij përpara se të martohej. Ai zgjodhi të bëhej dentist për të patur të ardhura të sigurta, për të siguruar gjithçka që i duhej një familje të shëndetshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
