Si të menaxhoni një punë të dytë?

Si të menaxhoni një punë të dytë?


Të bësh dy punë njëkohësisht, kërkon finesë dhe planifikim. Angazhimi në një punë të dytë kur ju keni një punë me orar të plotë, mund të jetë shumë e lodhshme.

Bërja e dy punëve mund të zgjidhë një problem tuajin financiar, por kjo mund të jetë një zgjidhje e përkohshme. Nuk është kënaqësi të mbarosh një punë dhe pastaj të fillosh direkt me tjetrën. Puna e dytë  me shumë gjasa do t’ju largojë juve nga shoqëria, për shkak të kohës së kufizuar që do të keni për aktivitete me ta dhe mund t’ju raskapisë fizikisht. Nëse ju po angazhoheni në një punë të dytë, atëherë duhet të planifikoni me kujdes kohën tuaj.

Gjeni një punë të dytë fleksible
Së pari, duhet të merrni parasysh të gjitha opsionet e disponueshme kur zgjidhni se cila do të jetë puna juaj e dytë. Nëse keni aftësitë e nevojshme, duhet të përpiqeni të gjeni diçka që do të paguajë më shumë se paga minimale. Ju duhet të shikoni aftësitë tuaja profesionale dhe shihni nëse mund t’i zbatoni ato në opsionet e punës tuaj me kohë të pjesshme. Ju mund të jeni duke punuar dy punë me kohë të pjesshme në vend të një punë me kohë të plotë. Nëse ky është rasti, duhet të gjeni punë që do të paguajnë mirë. Puna nga shtëpia është një mënyrë e shkëlqyeshme për të fituar para shtesë konsiderueshëm.

Lexo: Rëndësia e të qenit në kohë në punë

Planifikoni kohën tuaj
Kur jeni duke punuar dy punë, ju kuptoni se keni lënë gjëra të tjera pas dore. Ju mund të mos keni kohë të vazhdoni me punët e shtëpisë ose të gatuani në shtëpi, dhe kështu është e rëndësishme të krijoni një orar që ju lejon të bëni këto gjëra në mënyrë efikase dhe sipas nevojës. Mund të jetë më e lehtë për ta bërë këtë nëse mund të caktoni një orar për punën tuaj të dytë. Kjo ju lejon të planifikoni veprimet dhe punët në ditë të caktuara dhe ju jep kohë të planifikoni të bëni gjëra me miqtë tuaj.

Kujdesu për veten
Mos punoni shumë orë shtesë. Sigurohuni që po flini mjaftueshëm dhe rregullisht. Është gjithashtu e rëndësishme që të keni kohë për t’u çlodhur çdo ditë. Kjo do t’ju ndihmojë të jeni në gjendje të vazhdoni të punoni në punën tuaj të dytë deri sa të arrini qëllimin tuaj. Sigurohuni që jeni duke ngrënë mirë dhe po ushtroheni rregullisht. Nëse nuk e ekuilibroni kohën tuaj në mënyrë efektive, do ta kei të vështirë ta merrni veten nga lodhja që po merrni duke bërë dy punë.

Aplikoni paratë shtesë për arritjen e qëllimeve tuaja
Aplikoni të gjitha paratë shtesë që po bëni drejtpërdrejt në qëllimin financiar për të cilin po punoni. Kjo do t’ju ndihmojë të arrini qëllimin më shpejt, dhe të bëni kohën shtesë që po shpenzoni me vlerë. Monitoroni me kujdes shpenzimet tuaja për punën e dytë. Sigurohuni që nuk po shpenzoni para shtesë për të punuar në këtë punë. Një shembull i rritjes së shpenzimeve është nëse duhet të shpenzoni më shumë para për veshje ose transport për punën e dytë. Duhet të bëni disa llogari dhe të kuptoni nëse ja vlen që të skoni në punën e dytë apo atje ju më shumë po shpenzoni sesa po fitoni.

Lexo: 10 arsye pse është e rëndësishme të krijoni një ambient pune pozitiv

Mbroni punën tuaj të parë
Ju duhet të jeni të sigurt që puna juaj e parë nuk ka ndonjë konflikt interesi me punën tuaj të dytë. Kjo do të thotë që ju duhet të informoni menaxherin tuaj se jeni duke punuar një punë të dytë në një kompani specifike. Zakonisht, konflikti i interesit lind për të mbrojtur sekretet e kompanisë dhe për t’u siguruar që nuk po planifikoni të punoni të dy vendet në të njëjtën kohë. Ju nuk duhet të keni ndonjë problem, por është më mirë të mbroni punën tuaj me kohë të plotë duke marrë këtë masë paraprake. Për më tepër, mos lejoni që puna e dytë të shkelë në cilësinë e performancës tuaj të punës së punës tuaj të parë. Meqenëse puna juaj e parë ju ofron përfitime dhe zakonisht një kontroll më të madh, ajo gjithmonë duhet të ketë përparësi ndaj punës tuaj të dytë.

The balance careers

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0