Në vetvete termi “Paketë turistike” është njohur si një opsion ekonomik për pushime. Megjithatë duket se po përballemi me rritje të konsiderueshme çmimesh në destinacionet më të kërkuara europiane. Sipas një studimi nga organizata britanike e konsumatorëve “Which?”, faktorët kryesorë që po shtyjnë çmimet lart përfshijnë:
- Kërkesën e rritur për udhëtime pas COVID-19,
- Kostot në rritje të energjisë për hotelet,
- Çmimet e larta të karburantit.
Lexo gjithashtu: Vendet kryesore për t’u vizituar në vitin 2025
Ja çfarë tregon analiza e mbi 8,000 pushimeve në Europë për periudhën gusht 2024 dhe gusht 2025:
- Çmimet po rriten mbi nivelin e inflacionit në shumë vende
Shtatë nga dhjetë destinacione kanë përjetuar rritje çmimesh mbi normën e inflacionit prej 2.5%. Mesatarisht, çmimet e paketave turistike janë rritur me 4.2% krahasuar me një vit më parë.
- Destinacionet që kanë pësuar rrite më të madhe të çmimeve janë:
- Bregdeti i Detit të Zi në Bullgari:
Çmimet u rritën me 11.5%, nga 1,038 £ në 1,157 £ për person. Ndonëse mbetet një destinacion ekonomik, Bullgaria po bëhet gjithnjë e më e shtrenjtë.
- Italia:
Rritje prej 7.4%, nga 1,163 £ në 1,249 £ për person.
- Portugalia:
Çmimet u rritën me 6.8%, nga 1,267 £ në 1,353 £ për person.
- Qipro:
Çmime më të larta me 6.4%, nga 1,241 £ në 1,321 £ për person.
- Kroacia, Spanja dhe Greqia:
Rritje më të moderuara, nën 3% mesatarisht, në përputhje me normën e inflacionit.
Lexo gjithashtu: Destinacionet turistike që nuk mund t’i vizitoni këtë vit!
- Destinacionet ku mund të kurseni
Jo të gjitha destinacionet kanë pësuar rritje çmimesh. Ja disa vende ku çmimet janë ulur:
- Ibiza:
Rënie me 6.4%, nga 1,269 £ në 1,187 £ për person.
- Costa Dorada, Spanjë:
Rënie me 2.9%, nga 1,074 £ në 1,042 £ për person.
- Tenerife:
Rënie me 2%, nga 1,200 £ në 1,175 £ për person.
- Si të kurseni para për pushimet tuaja?
Ekspertët e udhëtimit ofrojnë këto këshilla:
- Rezervoni herët
Kjo është mënyra më e mirë për të përfituar çmimet më të ulëta.
- Krahasoni ofertat
Merrni kohën për të gjetur paketën që ju përshtatet më mirë.
- Shmangni kulmin e sezonit
Javën e fundit të pushimeve verore shpesh mund të gjeni çmime më të ulëta.
Sipas Rory Boland, redaktor i Which? Travel, këto rritje çmimesh pasqyrojnë sfidat ekonomike globale dhe rritjen e kërkesës për pushime. Sidoqoftë, me një planifikim të kujdesshëm, ju mund të siguroni oferta të mira edhe në këto kohë ndryshimesh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
