Si të bëheni të domosdoshëm për klientët tuaj - Business Magazine Albania

Si të bëheni të domosdoshëm për klientët tuaj

të domosdoshëm

Nga Maria Thimothy, konsulente biznesi

Ngjarjet e sotme janë të pashembullta dhe sfiduese për të gjithë. Sidoqoftë, gjithmonë mund të nxirren mësime.

Pothuajse çdo ditë dëgjojmë për “thelbësoret”, për sa u përket bizneseve që mund të vazhdojnë të funksionojnë. Kjo të çon në pyetjen çfarë të bën të jesh i domosdoshëm për klientët, punëdhënësit, familjet dhe miqtë gjatë kohërave të vështira.

Pse? Askush nuk e pëlqen alternativen – të humbasësh klientët ose të humbësh punën tënde.

Pak vite më parë kam lexuar The Linchpin: A jeni i domosdoshëm? Nga Seth Godin. Si konsulente, unë e di që është e lehtë të pushohesh. Ndonjëherë kjo është për shkak të një ndryshimi në organizatën e klientit – një CEO i ri, një qira e re, ose financat.

Për të shmangur të qënurit joesencial për klientët, ja çfarë kam mësuar rreth të qenurit i domosdoshëm:

Shkoni lart dhe më tej

Kjo mund të duket si klishe, por gjithçka ka të bëjë me demonstrimin se ju jeni të gatshëm të bëni më shumë pa jua kërkuar. Kjo mund të nënkuptojë të punoni në mbrëmje për të ndihmuar një klient të fillojë një fushatë ose t’i përgjigjeni një mesazhi urgjent gjatë fundjavës. Kjo mund të mos pritet, por e bën atë kuptimplotë.

Trego përkujdesjen tëndë

Ne të gjithë njohim persona që paraqiten në festë, por kurrë nuk ndihmojnë në ngritjen e tavolinës ose pastrimin e ambientit. Të tregosh që kujdesesh dhe që vërtet dëshiron të ndihmosh, ndikon në përcaktimin tënd si të domosdoshëm.

Tregoni se ju intereson, jo vetëm duke menduar për to kur duhet, por edhe në mënyrë të rastësishme përmes momenteve të befasishme dhe kënaqësive. Interesimi për klientet përmes një mesazhi do të mbahet mend.

Në çdo projekt, jepni më të mirën tuaj

Bërja e gjërave të lehta mund të jetë zgjidhje e shpejtë, por nuk është gjithmonë zgjidhja më e mirë. Në vend që të synoni të hiqni qafe dikë, përpiquni të jepni më të mirën tuaj çdo herë. Si konsulente, kjo nënkupton udhëheqjen e klientëve drejt fushatave më të mira dhe realizimit më të mirë të tyre. Sigurisht, ne mund të përqendrohemi lehtësisht në ndreqjet e shpejta, por çfarë ndodh nëse zgjidhja alternative do të sjellë kthime më të mira afatshkurtra ose afatgjata? Kjo mund të thotë punë shtesë, por do të vlerësoheni që nuk morët rrugën e thjeshtë.

Dëgjoni më shumë sesa flisni

Të dëgjosh me dashuri dikë tregon gjithmonë respektin dhe interesin tënd. Pavarësisht nëse është një klient apo një mik i mirë, të dëgjuarit vlen shumë. Herën tjetër kur do të takoheni me një klient ose një mik, bëjeni objektiv ta lini atë të flasë në vend që ta bëni veten qendrën e bisedës.

Shfaqu kur askush tjetër nuk e bën

Kjo me të vërtetë duket familjare në situatën tonë aktuale, pasi shumë njerëz kanë nevojë për mbështetje tani më shumë se kurrë. Kur punoni me klientë, të jeni të pranishëm do të thotë të jeni të disponueshëm dhe të gatshëm për të ndihmuar, kur të tjerët nuk janë. Unë kam punuar nga aeroportet në të gjithë botën thjesht për t’u siguruar që nuk kam lënë njeri pa përgjigjen time. Po, edhe gjatë pushimeve. Kur paraqiteni vazhdimisht, klientët tuaj e dinë që nuk jeni atje vetëm në kohët e mira.

Ji mirënjohës

Si këshilltarre të marrësh një goditje, është një nga ndjenjat më të këqija. Kjo është arsyeja pse unë kam mësuar të jem mirënjohëse për çdo klient që beson tek unë. Është e lehtë të marrësh si të mirëqenë klientët, punëdhënësit, familjen ose miqtë e tu. Shfrytëzoni çdo mundësi për të falënderuar klientët tuaj, punëdhënësit, miqtë dhe familjen tuaj për mundësitë dhe mbështetjen që ju kanë dhënë.

Fillo të jesh i domosdoshëm sot

Gjatë kohërave sfiduese, është e rëndësishme të mendojmë për atë që mund të bëjmë më mirë për të ardhmen. Të bëhesh i domosdoshëm për klientët, punëdhënësin dhe ata përreth teje, do të thotë që të jesh rreth tyre në kohë të mira e të këqija.

Kjo kërkon kohën që do të përcaktoni nëse do shkoni lart dhe larg. Nëse jo, mos u habisni kur të merrni goditje, pikërisht kur gjerat bëhen të vështira.

Maria Thimothy, është konsulente në OneIMS. Ajo ndihmon në rritjen e biznesit duke krijuar dhe kapur kërkesën, si dhe menaxhimin dhe edukimin e marrëdhënieve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0