Si të aplikoni për LocalEyes GoGlobal Prize?


Startupet shqiptare me potencial global meritojnë vëmendje dhe mbështetje sidomos për të arritur tregjet globale. Këto vite ekonomie tregu në Shqipëri kanë treguar pikërisht këtë, që kompanitë qofshin startupe qofshin të konsoliduara, edhe në rast projektesh të mira inovative, kanë vështirësi të rriten përtej kufijve të vendit tonë.

LocalEyes GoGlobal Prize është një konkurs i cili synon të nxjerrë në pah këto projekte startupe inovative nga kompani të regjistuara në Shqipëri të cilat kanë synimin dhe potencialin për t’u bërë të suksesshme në nivel global dhe të mbështesë më të mirin me: 10 000 EUR fond cash në shkëmbim të aksioneve në startup, mbështetje në përgatitjen marketing, financiare, ligjore, mbështetje në gjetjen e fondeve të tjera për të financuar startupin, inkubim për 1 muaj në GoGlobal Academy të LocalEyes në Milano, mbështetje në lançimin ndërkombëtar.

Faqja e konkursit është: http://goglobalprize.com/ dhe aplikimi duhet të bëhet në gjuhën angleze.

Kusht përjashtues për pjesëmarrjen: Vetëm kompanitë e regjistruara mund të marrin pjesë në këtë konkurs.

Startupet që dëshirojnë të përfshihen duhet të regjistrohen në QKR para afatit të mbylljes së kohës së aplikimit për konkurs. Regjistrimin mund ta bëjnë për shembull në formën e personit fizik. Një mënyrë tjetër do të ishte: të marrin pjesë në konkurs duke bashkëpunuar me kompani ekzistuese të cilat janë dakord të mbështesin projektin startup. Marrëveshjen e bashkëpunimit me kompanitë në fjalë duhet ta mundësoni vetë.

Kompanitë ekzistuese edhe prej shumë vitesh mundet të marrin pjesë me projekte të reja inovative që kanë zhvilluar / kanë në zhvillim, me të cilat do të dëshironin të dilnin edhe jashtë Shqipërisë për të arritur tregje ndërkombëtare.

Dokumentat të cilat të përmbledhura të gjitha në një zip file  dhe te ngarkohen në faqen

http://goglobalprize.com/apply/ janë: 1) GoGlobalPrize_pitch 2) GoGlobalPrize_financial_plan 3) GoGlobalPrize_questionnaire 4) ID Card of all team members 5) CV af all team members 6) Business registration document.

Për cdo gjë konsultohuni me faqen e konkursit: http://goglobalprize.com/   Ndërkohë sesione tutoriale do të mbahen në mjediset e Talent Garden Tirana në mënyrë që të sqarohen ato gjëra që mbeten të paqarta.

Burimi: Talent Garden Tirana

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale