Si munden markat të eleminojnë ndërrimin e kanaleve gjatë reklamave? - Business Magazine Albania

Si munden markat të eleminojnë ndërrimin e kanaleve gjatë reklamave?


Markat mund të ndihmojnë në zbutjen e ndikimit të “commercial zapping”, që do të thotë ndërrimi i kanaleve nga shikuesit kur po shohin emisionet e tyre të preferuara televizive, gjatë shfaqjes së reklamave.

Një ekip kërkimor australian nga Universiteti Curtin i Perth sugjeron se ekziston një mënyrë alternative ndaj eliminimit të mesazheve komerciale.

Rekomandimet e tyre i sugjerojnë marketerët dixhitalë që në startegjitë e tyre të mos kërkojnë të minimizojnë bllokimin online të reklamave por të prodhojnë reklama cilësore dhe publiku do t’i mirëpresë mesazhet e tyre.

Polemikat mbi ndikimin e “commercial zapping” kanë rreth 40 vite që kanë filluar. Në një studim të bazuar në vëzhgime, që identifikon faktorët që ndikojnë në ndërrimin e kanaleve televizive, Stephen Richard Dix dhe Ian Phau tregojnë gjetjet e tyre në lidhje me atë që ndodh në një dhomë kur një reklamë shfaqet në ekran.

Autorët pranojnë se reklamuesit nuk mund ta eliminojnë menjëherë ndërrimin e kanalit nga shikuesit.

Por ata ofrojnë këshilla se si markat mund të ndihmojnë në sigurimin e shikueshmërisë: “Ky studim identifikoi se një pjesë e konsiderueshme e kohës komerciale humbet nga shikuesit, si rezultat i ndërrimit të kanaleve. Rreth 38.06 % e shikuesve largohesin nga kanali televiziv gjatë kohës së reklamave.

Marketerët mund të kufizojnë “commercial zapping” duke kufizuar ‘nivelet e acarimit’ nga ana e shikuesve, përsëritjen e elementëve në strategjinë e tyre krijuese dhe kufizimin e ekspozimit në strategjinë e tyre të skedulimit.

Autorët përfundojnë se marketerët, agjencitë e marketingut dhe palët e tjera të interesuara duhet të përpiqen të minimizojnë stimujt që mund të shkaktojnë ndërrimin e kanalit gjatë reklamave.

Burimi: warc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0