Si mund të dalloni udhëheqësit e mirë në një kompani


Si drejtues ose pronar biznesi, me siguri keni dëgjuar rreth zotërimit të artit të komunikimit. Është një element që nuk mund të anashkalohet, veçanërisht nëse qëllimi juaj është të krijoni një kulturë të shëndetshme dhe të qëndrueshme të kompanisë. Ndërsa e dini rëndësinë e komunikimit të qartë dhe të hapur, shumë pak e dinë sesi ajo është në të vërtetë.

Lexo: Si udhëheqësit e mirë gjejnë kohë për ekipin e tyre?

Në librin e tij të ri, All In: How Impactful Teams Build Trust from the Inside Out, lideri dhe autori më i shitur Robb Holman shpjegon 5 parime të thjeshta komunikimi, që mund të filloni të praktikoni për të sjellë rezultate të vërteta:

  1. “Përqafoni” heshtjen:

Sidomos për ekstrovertët, heshtja gjatë ndërveprimeve shoqërore mund të duket si problem, ose dhe një çrregullim i frikshëm! Por, në botën e sotme me ritme të shpejta, është thelbësore që të lëmë veten dhe anëtarët e ekipit tonë të marrin frymë. Kur jemi më të qetë dhe heshtim, bëhemi më të pranishëm dhe më të matur. Kështu idetë vijnë më lehtë dhe vendimet merren pa patur presion.

  1. Krijoni pjesëmarrje aktive:

Shumë njerëz dridhen nga ideja e të folurit në publik. Në fakt, të folurit publik thuhet se është frika më e madhe, që shumica e njerëzve kanë (madje edhe vdekjen). Ndërsa Bota Perëndimore na ka mësuar në shumë mënyra të jemi konsumatorë pasivë, ky stil i pjesëmarrjes nuk na ndihmon në vendin e punës. Ju nuk duhet të shtyni veten në një ngjarje të madhe të të folurit në publik për të praktikuar krijimin e pjesëmarrjes aktive. Thjesht filloni me situatat në të cilat gjendeni rregullisht: Bëni pyetje, ndani dhe bëni njerëzit të flasin, për ato që u interesojnë.

Është krejt normale që mendimet dhe idetë të ndryshojnë nga ato të shokëve tuaj të ekipit. Ndërsa ky realitet i natyrës njerëzore ka shkaktuar shumë konflikte, ai gjithashtu mund të përdoret për mirë: krijimi i një organizate me larmi mendimi.

  1. Qëndroni vetvetja:

Hapi i parë për të qenë vetvetja është njohja e vetvetes. Cilat janë vlerat tuaja thelbësore? Pikat e forta dhe të dobëta tuaj? Aftësia më e mirë apo dhurata që dëshironi të ndani në vendin e punës? Shpesh ne anashkalojmë të qenurit vetvetja, duke supozuar se thjesht duhet t’i bëjmë punët tona të kryhen shpejt dhe me efikasitet. Por, duke qenë vetvetja, qëllimisht ju u jepni të tjerëve leje të bëjnë të njëjtën gjë. Kështu jeni duke u bërë një dhuratë atyre që drejtojnë, një trashëgimi që lini pas, që madje mund të ndikojë në gjeneratat e ardhshme.

  1. Tregoni historinë tuaj:

E thjeshtë: Të gjithë kanë një histori për të treguar. Të gjithë kanë përvoja unike të jetës, dhe kjo u jep atyre një lloj perspektive. Të gjithë kanë një histori të veçantë. Kjo është arsyeja që kemi libra dhe filma të preferuar. Ne lidhemi me personazhet, lidhemi me tregimet dhe ndihemi të frymëzuar nga ata.

Në vend që të fshihni ose hidhni poshtë histori si të parëndësishme në vendin e punës, të mësoni të tregoni historinë tuaja kjo ndihmon ekipin tuaj të kuptojë se si të lidhet me ju. Kjo u hap rrugën atyre që të krijojnë historitë e tyre.

Lexo: 3 Fjalët dhe shprehjet që Udhëheqësit e mëdhenj nuk i thonë kurrë

  1. Njihni gjuhën e vlerësimit:

Psikologu dhe filozofi William James tha: “Parimi më i thellë i natyrës njerëzore është një mall që duhet vlerësuar.” Në vitin 2017, Gary Chapman dhe Paul White shkruan Gjuhët e Vlerësimit në vendin e punës, duke zbuluar sesi të njëjtat modele që forcojnë marrëdhëniet romantike, zbatohen në mënyra të ndryshme në vendin e punës (marrja ose përjetimi i dhuratave, koha e cilësisë, fjalët e afirmimit, aktet e shërbimit, etj. dhe prekje fizike).

Nëse jemi duke krijuar një partneritet të ri, duke punuar me një klient ose jemi duke udhëhequr një takim me stafin, duke ditur se si dhe kur të tregojmë vlerësimet do të thotë gjithçka. Një shtrëngim duarsh vlerësues, një fjalë njohjeje ose disa minuta shtesë e kohës tuaj mund të jetë një vlerësim për stafin. Ndërsa ndërtojmë besim dhe jemi të pranishëm me të tjerët, ne fillojmë të mësojmë se si të lidhemi më mirë me ta, si individë.

Holman na nxit të kujtojmë këtë: Ajo që është e rëndësishme për ata, është e rëndësishme edhe për ju. Kur ata fitojnë, ju fitoni. Kështu ndërtojmë ekipe, vende pune dhe komunitete më të mëdha.

Burimi: INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale