Si merret vërtetimi për rihapjen e biznesit


Bizneset që do të hapen ditën e sotme, duhet të pajisen me vërtetim në portalin e-albania.

Mbrëmjen e së dielës, kryeministri Edi Rama shpjegoi me një postim në Facebook se si sipërmarrësit mund të marrin vërtetim në e-albania nëse biznesi i tyre është në listen e aktiviteteve të lejuara për t’u hapur.

Për të marrë vërtetimin, sipërmarrësi duhet të hyjë në portalin e-albania, të identifikohet në llogarinë e biznesit përmes Nipt-it dhe më pas të përzgjedhë shërbimin “vërtetim për aktivitet ekonomik të hapur”.

Më tej sipërmarrësi duhet të klikojë në “Përdor” nga ku faqja do t’i komunikojë nëse lejohet apo jo të hapë aktivitetin.

Nëse po, duke klikuar në “Dërgo” vërtetimi do të dërgohet në e-mail-in e regjistruar në tatime si kontakt i sipërmarrësit.

Ky e-mail duhet të jetë më pas i printuar, ose i paraqitshëm ndaj autoriteteve kontrolluese.

Të shtunën qeveria publikoi një listë me aktivitete të cilat Ministria e Shëndetësisë ka gjykuar se mund të lejohen të rifillojnë punën.

Krahas listimit të aktiviteteve që mund të rihapen, Ministria ka kërkuar që ato të zbatojnë një protokoll të sigurisë sanitare, ku kërkohet me patjetër të ketë: distancë fizike mes punonjësve dhe klientëve, higjienizues duarsh, letër pastrimi ose peshqirë, doreza, maska. Për të lexuar udhëzimin e plotë klikoni këtu.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale