Bose, atëherë 23 vjeçe dhe Dhruv Kapoor, një inxhiniere 24-vjeçare në studion e lojrave Kivi Inc., shpejt kuptuan se kishin aftësi plotësuese dhe ambicie të ngjashme për të ndërtuar startup-in e tyre. Katër muaj më vonë ato lanë punën e tyre dhe secila investoi kursimet prej 30,000 dollarësh për të themeluar Zilingo, një platformë online që lejon tregtarët e vegjël në Azinë Juglindore për t’u rritur.
Të martën, kompania me bazë në Singapor tha se mori 226 milionë dollarë financim nga investitorët, përfshirë Sequoia Capital dhe Temasek Holdings Pte. Financimi i fundit vlerësoi Zilingo në 970 milionë dollarë, sipas njerëzve të njohur me këtë çështje. Kjo e bën Bose një nga drejtueset femra me moshë relativisht të vogël që udhëheq një startup të këtyre përmasave në Azi.
Themelueset femra mbeten të rralla në botën e startup-eve botërore.
Shopping Online
Bose tani është pjesë e një grupi themeluesish në Azinë Juglindore që po përfitojnë nga adaptimi i shpejtë i smartfonëve dhe rritja e të ardhurave të rajonit. Dyqanet online në rajon arritën në 23 miliardë dollarë në vitin 2018, sipas një raporti nga Google dhe Temasek. Pritet të tejkalojë 100 miliardë dollarë deri në vitin 2025.
Kompania filloi duke ndihmuar tregtarët e vegjël të shisnin tek konsumatorët dhe që atëherë është zgjeruar në zona të reja. Ndërsa themeluesit kishin të bënin me mijëra shitës të vegjël, ata kuptuan se shumë prej tyre nuk kishin qasje në teknologji, kapital dhe ekonomi.
Pra, ata zgjeruan, zhvilluan software dhe mjete të tjera për të lejuar shitësit të kenë qasje në fabrikat nga Bangladeshi në Vietnam dhe gjithashtu të ndihmojnë me administrimin ndërkufitar dhe menaxhimin e inventarit. Që nga viti 2018, Zilingo ka punuar gjithashtu me firmat e teknologjisë financiare për të siguruar kapital punues për shitësit e vegjël në mënyrë që ata të blejnë lëndë të para për të prodhuar mallra.
Site i modës
Disa nga frymëzimet e hershme të Bose erdhën nga një vizitë në tregun popullor të Bangkokut Chatuchak, i cili përmban më shumë se 15,000 kabina për shitjen e mallrave nga e gjithë Tajlanda. Ajo kuptoi se shitësit nuk kishin mundësi të mjaftueshme për t’u zgjeruar.
Që nga vendosja e pranisë së saj të parë në Tajlandë dhe Kamboxhia në vitin 2015, kompania ka rritur zyrat në tetë vende me 400 punonjës. Ajo operon me site e-commerce të modës në Indonezi, Tajlandë dhe Filipine dhe po përgatitet të lançojë së shpejti në Australi.
Ndërsa Bose ka zbuluar një mënyrë për të diferencuar Zilingo, sfida e saj është që tani të menaxhojë “hiper-rritjen” e kompanisë duke rekrutuar ekipin e duhur drejtues dhe ruajtjen e kulturës së duhur, tha Shailendra Singh, drejtoreshë e Sequoia Capital (India) Singapore.
Rritur në Indi, puna e babait të Bose si inxhinier në një ndërmarrje shtetërore të naftës shkaktoi që familja të lëvizte vazhdimisht kur ajo ishte fëmijë, duke e ekspozuar atë në kultura dhe gjuhë të ndryshme brenda vendit. Nëna e saj hoqi dorë nga karriera e saj si pedagoge në universitet dhe i kushtoi kohë mësimit të fëmijës së saj të vetëm në shtëpi. Bose shkëlqeu si studente, studioi matematikë dhe ekonomi dhe përfundoi në një punë të lakmuar në McKinsey & Co. në Indi, ku ajo mbuloi teknologjinë e lulëzuar të Indisë, sektorin e medias dhe telekomunikacionit.
burimi: Bloomberg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
