Si i zgjedh Pepsi startupet partnere?


PepsiCo, gjigandi i ushqimeve dhe pijeve, po përdor tri rregulla për të identifikuar se cilët startupe, kompani të teknologjisë dhe sipërmarrës mund të ndihmojnë në një axhendë të inovacionit në marketing për të shkuar përtej limiteve të të zakonshmes.

Jamie Fabricant, Menaxherja e Lartë e Marketingut për pijet PepsiCo, diskutoi mbi këtë çështje në South by Southeast (SXSW), në festivalin e teknologjisë dhe shkencës ku kompanitë më të të mira teknologjike vijnë dhe prezantojnë idetë e tyre të reja, teknologjinë dhe inovacionin në Austin, Texas.

“Nuk ndihem shumë krenar të them: jo çdo inovacion në marketing do të vijë prej katër mureve të biznesit tonë,” ka thënë ajo.

Dhe si pjesë e Creator, një njësi e PepsiCo e cila ka si detyrë kërkimin e partneritetve të reja të cilat do të mbajnë markën e firmës në avantazhin e saj konkurrues, Fabricant ndjek një sërë parimesh të qarta kur pikas një ndërmarrje të re që premton.

“A është realizuar më parë kjo?” Nëse jo, një firmë mund të ketë gjetur një “tokë të re”, një mundësi unike për të ndërmarrë një iniciativë. “Kjo i gëzon njerëzit, dhe është kjo që realizon inovacionin e marketingut,” ka shtuar ajo.

Duke u nisur nga kjo kërkesë ekzsiton mundësia për të ndërmarrë një program inovacioni dhe më pas të ndiqet nga testimet fillestare, duke rritur më pas shtrirjen atëherë kur dëshirohet.

“Unë mendoj se kjo është një tregues shumë i rëndësishëm për ne: a mund ta përshkallëzojmë (rrisim) pasi kemi eksperimentuar me atë?” ka thënë Fabricant për pjesëmarrësit në SXSW.

Kriteri i tretë përfshin treguesë më të komplikuar, ka zbuluar gjatë fjalës së saj Fabricant. “A është ky një oportunitet i ri biznesi, a ka mundësi reale që të nxirret përfitime prej tij në të ardhmen?” ka përshkruar ajo.

Në shtrirjen e objektivave më të gjërë të cilat përforcojnë punën e PepsiCo me startupet dhe teknologjitë e reja, ajo thekson se rëndësia është zakonisht një faktor më domethënës se të ardhurat.

“Unë mendoj se ka më shumë të bëjë me rëndësinë e markës se sa me shitjet. A jemi ne më të rëndësishëm për konsumatorët tanë? A po ndërtojmë më tepër një marrëdhënie sepse bazohemi në diferencat kulturore apo po përpiqemi të afrohemi më shumë me stilin e jetesës së sporteve dhe muzikës? Kështu pra, ka shumë rëndësi pasja parasysh e treguesve të tjerë që keni, përveç shitjeve të rregullta të produktit tuaj bazë.”

 

/Warc.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale