Si i organizojnë pushimet sipërmarrësit e rinj shqiptarë?


Të gjithë bëjnë pushime kryesisht në sezonin e verës, e ndonëse tabuja është thyer disi, pushimet mund të zhvillohen në çdo stinë të vitit. E përtej kësaj ajo ç’ka tërheq vemendjen e publikut, është fakti se ku i kalojnë pushimet njerëzit me influencë, njerëzit e ekranit dhe sipërmarrësit shqiptarë. Nëpër profilet e tyre në media socilale, syri të ndesh foto të bukura nga vendet më të lakmuara për pushime, vendet më të shtrenjta që “xhepi” i një shqiptari të thjeshtë nuk i përballon dot.

Në këtë artikull BusinessMag.al do t’ju njohë me disa sipërmarrës shqiptarë, të cilët njëkohësisht janë edhe njerëz të ekranit, e me ndikim në shoqëri. Ku i kalojnë ata pushimet? Pse zgjedhin këto vende? I ndërthurin pushimet me punën?

Arbër Çepani, prej disa vitesh është pjesë e ekraneve shqiptare e së fundi edhe sipërmarrës. Sa më shumë kalojnë vitet aq më shumë shtohen impenjimet dhe aq me pak bëhen edhe pushime. Ai shprehet se gjithmonë mundohet të ndërthurë udhëtimet e punës me pushimet. “Meqenëse gjatë gjithë vitit udhëtoj shpesh nëpër Shqipëri për shkak të aktivitetit të biznesit, për pushime kur kam kohë edhe mundësi do dëshiroja të ikja sa më larg të jetë e mundur”. Për të e rëndësishme është që njeriu të njihet me kultura dhe njërëz të ndryshëm. Kështu zgjerohet horizonti  dhe del nga monotonia e përditshme. I pyetur se a ia beson dikujt tjetër sipërmarjen gjatë kohës kur është me pushime, ai zgjedh të na përgjigjet kështu: “Sa do të më pëlqente të thoja që ia besoja dikujt….por mendja aty më rri edhe të jem në fund të botës”.

Edona Bilali sipërmarrësja energjike ka një lidhje të jashtëzakonshme me vendlindjen e saj Shkodrën, e për këtë edhe pushimet zgjedh kryesisht t’i kalojë në plazhin  e Velipojës.  Frekuenton edhe jugun e vendit, por herë pas here planifikon edhe pushime jashtë, ashtu siç edhe ka bërë për këtë vit. Ka rezervuar pushime në Mykonos. Pushime bën edhe gjatë vitit jo vetëm në verë, del jashtë Tiranës në vendet e Rajonit e në Europë. Për të, eksplorimi i vendeve të reja është thelbi i çdo udhëtimi. “Preferoj shumë të kuptoj mbi stilin e jetesës dhe historikun e vendeve, thuajse aspak shopping.” Gjatë kohës që pushon ajo menaxhon vetë kompaninë e saj edhe pse nuk është fizikisht e pranishme. “Ia dal sepse kam krijuar një formë komunikimi me stafin ku informohem në kohë reale mbi ecurinë dhe problematikat që ndodhin në kompani. Një person tjetër i deleguar ndjek aktivitetet kur kërkohet prania ime”.

Tomi Kallnxhi, asnjëherë nuk i kalon pushimet në të njëjtin vend. Për të, qëllimi i çdo udhëtimi  është ekplorimi i vendeve të reja dhe njohja me kulturat përkatëse. Sipas tij, nuk ka rëndësi se çfarë stine është për të pushuar. Por, sa herë ka financat e duhura dhe kohën e lirë mundohet të “shfrytëzojë” plazhet si brenda ashtu edhe jashtë vendit. Kur pyetet se a e ndërthur punën e pushimet ai thotë se deri më tani nuk ka ndodhur, por në një të ardhme mund të jenë të ndërthurura. Por kujt ia beson Tomi punën kur udhëton? “Çfarë kam mundësi të kontrolloj nëpërmjet telefonit e kontrolloj, pjesën tjetër e delegoj”.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale