Puna në distancë, ekuilibri punë-jetë, komunikimi asinkron dhe, më e fundit, një javë pune 4-ditore kanë qenë tendencat më në zë kohëve të fundit për vendet e punës. Nëse i bashkojmë të gjitha këto, me siguri do ta gjeni veten në një mjedis pune mjaft të përsosur. Si po i tërheqin dhe po i mbajnë kompanitë talentet tani?
Një raport i kohëve të fundit nga Instituti Kërkimor ADP zbuloi se 64% e punonjësve, rreth 32,000 njerëz të anketuar në vende të ndryshme, thanë se “Ata tashmë kanë, ose do të konsideronin, të kërkonin një punë të re nëse punëdhënësi i tyre do t’i kthente në zyrë me kohë të plotë. .”
Përgjigja ndaj sfidave të tërheqjes dhe mbajtjes së talenteve në fakt është më e thjeshtë seç mund të mendohet – ajo që sipërmarrësit duhet të bëjnë është ti lejojnë njerëzit të jetojnë dhe të punojnë kudo që ata zgjedhin.
Ndërsa kompanitë po shkojnë gjithnjë e më shumë drejt punës në distancë dhe shumë të tjerë kanë filluar të konsiderojnë javë më të shkurtra pune, punonjësit po zbulojnë se puna nuk duhet të jetë ashtu siç ka qenë për dekada: udhëtimi i përditshëm për në zyrë, 40 orë/javë, nga e hëna në të premte, axhendat e orarit etj. Lajmi më i fundit që entuziasmoi komunitetin e punës në distancë ishte AirBnb që njoftoi politikën e saj të punës nga kudo. Në pak javë, Airbnb raportoi se më shumë se 800,000 njerëz vizituan faqen e saj të karrierës. Kompanitë po humbasin potencial talentesh në stafin e tyre duke kërkuar që ekipet e tyre të jenë me orar strikt në zyrë. Pra sa më pak fleksibilitet të ketë, aq më e vështirë do të jetë për kompanitë të shmangin dorëheqjet masive të forcës së tyre punëtore.
Lexo edhe:Kompanitë kudo përdorin teste të personalitetit për të kuptuar punonjësit e tyre. Por, a mjafton kjo?
Shumë kompani kanë filluar të testojnë tashmë edhe një model të ri pune, atë të javës së punës 4-ditore. Lidhur me modelin e javës së punës 4 ditore, një komunitet jofitimprurës që mbron dhe inkurajon punëdhënësit të mbështesin atë si model, mësoi se 63% e bizneseve e kishin më të lehtë të tërheqin dhe mbajnë talentet nëpërmjet aplikimit të atij modeli. Më poshtë janë disa kompani që implementojnë modelin modern të punës – atë në distancë dhe me fleksibilitet.
Buffer – një platformë e thjeshtë e menaxhimit të mediave sociale, e besuar nga mijëra biznese dhe individë.
Awin dhe ShareASale njoftuan aplikimin e modelit të një javë pune 4-ditore në fillim të vitit 2021, pas një pilotimi të suksesshëm gjashtëmujor të modelit.
Bunny Studio – një platformë krijuese e mundësuar nga teknologjia dhe nga njerëzit me një ekip të shpërndarë globalisht.
MeiliSearch – një API kërkimi RESTfull që është zgjidhja e gatshme për këdo që dëshiron një përvojë kërkimi të fuqishme, të shpejtë dhe relevante për përdoruesit e tyre fundorë.
Picktochart – u mundëson përdoruesve të tyre të dizajnojnë dhe të bëjnë infografikë, prezantime dhe video me vetëm disa klikime.
Wildbit – ekipi pas Postmark, Beanstalk, DMARC Digests dhe People-First Jobs.
Uplift – ka si mision për të përsosur jetën e punës të punonjësve ndërsa mësojnë, ndërtojnë dhe shijojnë kohën e tyre të lirë.
WhenThen – një platformë e pagesave të hapura pa kod.
EU Remote Jobs publikon gjithmonë e më shumë mundësi të largëta me kohë të plotë brenda zonave kohore evropiane. Nga hulumtimet e tregut të punës dhe forcës punëtore duket bindshëm se puna në distancë dhe modeli i javës 4-ditore janë më shumë se thjesht një trend, ato janë këtu për të qëndruar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
