Ndërsa pa se qytetarët nuk ishin përgatitur ende, AMA u tërhoq duke e shtyrë me disa muaj transmetimin analog.
Një rast i ngjashëm, ishte edhe protesta në ditën e parë të vendosjes së traut pranë tunelit të Rrugës së Kombit, që njoftonte nisjen reale të kalimit me pagesë.
/Artikulli u publikua më parë në faqen 34 të numrit 18 të revistës Business Magazine Albania. Ju mund të Shfletoni Këtu.
Në të dy rastet, e në shumë të tjerë, vendimi nuk është marrë brenda ditës nga ana e qeverisë apo institucioneve përgjegjëse. Për Rrugën e Kombit me pagesë flitej e hartoheshin drafte në zyrat e ministrive prej mëse tre vitesh. Në rastin e mbylljes së transmetimit analog, prej një viti pati një fushatë të financuar qëllimisht në ndërgjegjësimin e konsumatorit.
Ndërsa ndërmerren shumë nisma me ndikim direkt në jetën tonë sociale dhe ekonomike, duket se shqiptarët janë të pa informuar siç duhet për atë çfarë ndodh, duke bërë që vendimet t’i gjejnë pa përgatur e rrjedhimisht të jenë të dhimbshme.
Lexo: Kur komunikimit i mungon buzëqeshja!
Njerëz me përvojë në fushën e komunikimit mendojnë se problemi është mungesa e komunikimit efektiv të institucioneve. Si ish-këshilltare për mediat, pranë disa ministrave, Eva Kushova, sot bashkëthemeluese e një kompanie PR, tregon se, “sa herë kam mundur, kam këmbëngulur që çështjet e paqarta për publikun të sqarohen. Në qeveritë tona një këshilltar për mediat më shumë urdhërohet se çfarë të bëjë, sesa të dëgjohet. Ndërsa ai është personi që duhet të sjellë dhe zërin e publikut dhe shqetësimet e mediave në qeveri, pra duhet të dëgjohet”.
Ajo shkon më tej, kur thotë se, kemi shumë Public Relations, por drejtuesit shumë pak e kuptojnë këtë si profesion. Më shumë kuptohet si një mision për të mbyllur gojët, sesa si një mision për të sqaruar publikun.
Eva gjykon se sa më i hapur të jesh me publikun aq më shumë rritet kredibiliteti dhe popullariteti si ministër apo si qeveri. Mungesa e komunikimit të duhur është absurd sipas saj, për dy arsye: së pari, jemi në kohën e bumit teknologjik të komunikimit dhe së dyti, në qeveri ka një “ushtri” me PR dhe njerëz shumë të artikuluar për të bërë fushata efektive sensibilizimi, para se gjërat të ndodhin. Kur ato ndodhin, është shumë e vështirë të sqarohen. Kështu dhe besueshmëria e publikut firon pak nga pak.
Në shumë vende të zhvilluara të botës pjesëmarrja e komuniteteve lokale në vendimarrje, është bërë praktikë. Edhe në rastin e Shqipërisë, komuniteti është promovuar, madje nga vetë kryeministri. Disa platforma janë ngritur për të vendosur komunikim direkt mes komunitetit dhe drejtuesve të institucioneve. Por, e gjithë kjo nuk po rezulton efektive, për sa kohë nuk njihen e kuptohen vendime të rëndësishme për njerëzit.
Kryeministri aktual Edi Rama pati thënë kur erdhi në pushtet “Detyra është e imja, pushteti është i juaji”.
Për profesorë në fushën e komunikimit, e gjitha kjo është një retorikë.
Lexo: Ahh merresh me komunikim… po çfarë bën konkretisht?
Nëse drejtuesit e institucioneve komunikojnë vetëm arritjet, pa i dëgjuar qytetarët, nuk afrohen me qytetarët dhe vetëm humbasin besimin e tyre.
Shpesh komunikimi transparent mund të jetë problem nga institucionet, kur një grup apo kompani do të jetë e preferuar për shërbimin që po tenderohet, për ndryshimin që do të ndodhë pikërisht tek qytetarët.
Kjo shpjegon mungesën e komunikimit efektiv, kur resurset janë në dispozicion.
Ekspertë në fushën e komunikimit mendojnë se nga një komunikim jo transparent institucion-qytetar, nuk humbet vetëm ky i fundit.
Edhe pse drejtuesit mund të fitojnë fillimisht duke favorizuar një kompani apo një grupim në kurriz të qytetarit e tregut, në fund ai humbet besimin e çdo individi, duke humbur kështu mundësinë për pushtet.
/Artikulli u publikua më parë në faqen 34 të numrit 18 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 18 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
