Shumë kompani ajrore nuk do i mbijetojnë krizës Covid, paralajmëron shefi i IATA-s

Pandemia e koronavirusit do të sjellë falimentimin e shumë kompanive ajrore teksa shumë prej tyre janë në falimentim ose janë marrë nën kontroll, tha kreu i Shoqatës Ndërkombëtare të Transportit Ajror (IATA), Alexandre de Juniac. Sipas tij, situata e transportit ajror është katastrofike, me trafikun ndërkontinental që ka rënë me më shumë se 90 përqind.

“Në Evropë, trafiku ajror është rreth 35 përqind e asaj që pamë vitin e kaluar.” – i tha ai radios BFM Business, duke paralajmëruar se sektori është në një ‘situatë jashtëzakonisht serioze dhe të vështirë’.

LEXO: Kompania ajrore Lufthansa shkurton 22 mijë vende pune

Ai shtoi se edhe nëse një pjesë e kompanive do mbijetojnë, ato do jenë shumë të vogla dhe të dobëta për të përballuar periudhën që do pasojë pas krizës globale. Kjo do të thotë që pasagjerët do të kenë më pak destinacione dhe do kenë më pak liri për të lëvizur. IATA edhe një herë bëri thirrje për mbështetje, pasi miliona vende pune kërcënohen në të gjithë sektorin në të gjithë botën.

DHT

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale