Shtetet me internetin më të shpejtë në botë dhe renditja e Shqipërisë

internetin

Lihtenshtajni është vendi me internetin më të shpejtë në botë.

Studimi më i ri i kompanisë Cable.co.uk, për internet me shtrirje të gjerë i realizuar në 221 shtete dhe territore, tregoi se një film më shpejt mund të shkarkohet në Lihtenshtajn, ndërsa më ngadalë në Sudanin Jugor, ku nevojitet gati një ditë.

Vendet e para në listë i kanë zënë përvec Lihtenshtajnit, edhe disa vende të vogla si Xhersi (ishull në Mbretërinë e Bashkuar) dhe Gjibraltari.

Përsa i përket vendit tonë, Shqipëria renditet në vendin e 104-t në këtë listë. Ndërsa vendet e rajonit: Kroacia në vendin e 25-të, Rumania në vendin e 26-të, Bullgaria e 36-ta, Serbia në vendin e 65-të, Mali i Zi në vendin e 68-të, Kosova në vendin e 73-të, Bosnja e Hercegovina në vendin e 88-të, Maqedonia e Veriut në vendin e 109-të.

Lexoni: Syzet inteligjente mund të jenë hapi tjetër i madh në teknologji

Vendet skandinave së bashku me Xhersin, Hollandën, Zvicrën dhe Luksemburgun përbëjnë destinacionet më të shpejta evropiane (anëtare dhe jo anëtare të BE-së), por ato janë njëkohësisht dhe vendet më të shtrenjta për internetin.

Afrika mbahet si territori me internetin më të ngadaltë dhe kjo vjen edhe si pasojë e varfërisë së madhe atje. Mesatarisht prej vetëm 3,80 megabajt në secondë, që do të thotë se një film atje shkarkohet për më shumë se katër orë, ndërsa në Sudanin Jugor nevojitet gati një ditë e tërë.

Shtetet Baltike si Lituania, Letonia dhe Estonia janë pionierët për internetin më të shpejtë me çmime të përballueshme. Lituania në veçanti ofron disa nga paketat më të mira të internetit në botë (11,14 dollarë në muaj).

Përsa i përket vendeve në Evropën Qendrore / Lindore, kryesojnë Hungaria dhe Sllovakia, të cilat kanë internet më të shpejtë dhe më të lirë se Mbretëria e Bashkuar. Më të lira janë edhe Bullgaria dhe Rumania (e 4-ta më e lirë në botë), të cilat janë vetëm pak pas Mbretërisë së Bashkuar (në vendin e 47) për shpejtësinë.

10 vendet e para në botë për shpejtësinë e internetit:

  1. Lihtenshtajni
  2. Xhersi
  3. Andorra
  4. Gjibraltari
  5. Luksemburgu
  6. Islanda
  7. Zvicra
  8. Hong Kong
  9. Monako
  10. Hungaria
Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale