Shqiptarët e suksesshëm në Suedi


Emri i Shqipërisë lakohet për mirë edhe në Suedi. Na përfaqësojnë denjësisht atje si biznesmenë, parlamentarë dhe mbi të gjitha po mundohen të ruajnë traditat. Shqiptarët kanë treguar që dinë të integrohen kudo që janë vendosur, pa u shkëputur nga rrënjët e tyre dhe këtë e dëshmojnë më së miri këto tre personazhe, Berat Ismaili, Adnan Dibrani dhe Abika Radogoshi-Komoni. 
Berat Ismaili është një tjetër shqiptar i suksesshëm në botë. Ismaili është zgjedhur nga gjigandi i prodhimit të veturave Mercedes-Benz, si shitësi më i suksesshëm i veturave gjatë një viti. Tashmë është edhe shefi i Mercedes-it në Helsingborg.
Lexo: Cili është shqiptari që shpallet si më i suksesshmi në Suedi?

Adnan Dibrani, është deputet në Parlamentin e Suedisë, i cila këtë periudhë kandidon edhe për të qenë pjesë në Parlamentin Europian. Ka lindur në Mitrovicë, që në  moshën 7 vjeçare ka emigruar në Suedi. Ka besuar se politika është rruga e krenarisë për të gjithë shqiptarët.
Lexo: Kush është shqiptari deputet në Suedi, që kandidon për Parlamentin Europian!

Abika Radogoshi-Komoni, edhe pse jeton në Lund të Suedisë që prej moshës 8-vjeçare, ka ruajtur gjuhën, kulturën dhe traditën shqiptare. Nuk janë të pakta rastet kur shqiptarët kudo në botë, integrojnë kulturën dhe traditën shqiptare në aktivitetet që hapin. Për të promovuar vendlindjen e saj ajo ka hapur një kafe–restorant me emrin Labëri”, ku shërben specialitete të kuzhinës shqiptare.
Lexo:  Të ruash traditën shqiptare, hapet një kafe-restorant me emrin “Labëri” në Suedi

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale