Shqipëria, zbulimi i "Tajlandës së Vogël" - Business Magazine Albania

Shqipëria, zbulimi i “Tajlandës së Vogël”

Shqipëria

Shqipëria është një nga vendet më të vogla në Europë, por tërheq gjithnjë e më shumë turistë çdo vit. Nga ujërat e kaltër tek vendet historike, kjo republikë e Ballkanit ka gjithçka që tërheq dhe josh turistët e huaj.

Këto janë fjalët me të cilat media franceze Francetvinfo e nis artikullin dedikuar Shqipërisë dhe bukurive natyrore të saj.

“Kudo që të jeni, deti dhe malet janë në dispozicionin tuaj. Në horizont duken kështjella të ngritura. Në bregdet, një kombinim i të gjelbrës dhe blusë. Mirësevini në Shqipëri, një destinacion shumë i arritshëm në Europë. Në jug të vendit të emërtuar si “Tajlanda e vogël” nga vendasit, Ksamili është një plazh shumë i popullarizuar nga turistët e huaj, si disa francezë që kanë ardhur me pushime në një shtëpi idilike prej 80 metrash katrorë me një çmim midis 75 dhe 140 euro për një natë.”

Lexoni: Think Big – Sfidat e Sektorit të Turizimit në Shqipëri me z. Vasil Bedinaj, nga Regina Group

Më shumë se 6.5 milionë turistë në vitin 2019

Në vitin 2019, Shqipëria mirëpriti më shumë se 6.5 milionë turistë, gati dyfishi i numrit të 15 viteve më parë. Për t’i akomoduar ata, hotelet po shtohen në Rivierën shqiptare me dhoma me 50 euro për natë. Udhëtarët mund të ikin nga plazhi për të zbuluar pasuri të tjera të vendit si një qytet antik i klasifikuar si një vend i trashëgimisë së UNESCOs. E mbyllur gjatë dekadave të diktaturës komuniste, Shqipëria po i hapet turizmit vitet e fundit, sepse ky vend ballkanik ka disa nga peizazhet e fundit të pashkelura mesdhetare.

/Francetvinfo

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0