Shqipëria dhe Mali i Zi do të kenë tkurrjen më të madhe ekonomike në rajon

tkurrjen ekonomike

Fondi Monetar Ndërkombëtar (FMN) ka parashikuar se Mali i Zi dhe Shqipëria do të pësojnë tkurrjen më të madhe ekonomike nga pandemia e COVID-19 në rajon.

Në të dhënat e publikuara nga FMN, parashikohet që të ardhurat për frymë të shqiptarëve në vitin 2020 të ulen me 425 dollarë, ose me gati 8% në krahasim me vitin e mëparshëm.

Në total, vendi pritet të humbasë 1.24 miliardë dollarë këtë vit, shumë që është sa 8% e të ardhurave vjetore në 2019-n. Ndikimin kryesor në këtë rënie e ka turizmi, që në kushtet e pandemisë është kufizuar ndjeshëm.

Lexoni: Rritja e rasteve me Covid-19, Italia mbyll sheshet, shkollat e universitetet

Ndërkohë, rënia do të jetë edhe më e madhe në Malin e Zi, ku të ardhurat për frymë parashikohet të bien me 892 USD për frymë.

Në Maqedoninë e Veriut humbja do të jetë minimale (90 dollarë më pak) dhe për boshnjakët arrin në -253 dollarë për frymë më pak.

Për shtetasit e Kosovës, humbja është -287 dollarë për frymë, me një rënie prej 6.5%.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale