Rritja e rasteve me Covid-19, Italia mbyll sheshet, shkollat e universitetet - Business Magazine Albania

Rritja e rasteve me Covid-19, Italia mbyll sheshet, shkollat e universitetet

Italia ka njoftuar masa të reja shtesë për të penguar përhapjen e koronavirusit. Në një konferencë për shtyp, kryeministri Giuseppe Conte ka autorizuar kryetarët e bashkive dhe komunave të mbyllin vendet publike pas orës 21:00. Sipas Kryeministrit strategjia nuk mund të jetë ajo e pranverës. “Qeveria është aty, por secili duhet të bëjë pjesën e vet. Është vetëm fillimi i një plani më të amplifikuar. Ne nuk mund të humbasim kohë, ne duhet të vendosim masa për të shmangur një bllokim të përgjithësuar, i cili mund të kompromentojë rëndë ekonominë”, u shpreh ai.

LEXO: Kufizimet e reja për turistët/ Italia lejon hyrjen e kushtëzuar për këto shtete

Paketa e re e masave parashikon:

-Mbyllja në orën 18.00 e të gjitha lokaleve, bareve dhe pubeve.

-Mbyllja në orën 24.00 e lokaleve e restoranteve. Lejohen vetëm 6 persona në tavolina dhe një numër maksimal i përcaktuar paraprakisht i klientëve në lokal.

-Shkollat nuk do të mbyllen, por për nxënësit e ciklit të lartë dhe studentët hyrja në shkollë do të bëhet me turne dhe gjimnazet rekomandohen të kryejnë mësimin online.

-Nuk lejohet mbajtja e kongreseve dhe organizimi i panaireve. Lejohen vetëm konferenca me rëndësi kombëtare.

-Administrata publike duhet zhvillohet mbledhje vetëm në telekonferenca.

-I jepet një javë kohë verifikimit të protokolleve të sigurisë në palestra e pishina për të  marrë vendimin e mbylljes ose jo të tyre.

Këto masa të ndërmarra nga qeveria italiane erdhën pas rritjes së rasteve në dy ditët e fundit. Sipas autoriteteve shëndetësore të vendit, të infektuarit në 24 orë te fundit kanë qenë 11.705 raste, ndërkohë që dje ishin 10.925. Viktimat e bilancit të fundit ditor janë 69, në rritje nga dita e djeshme ku ishin 47. Lombardia paraqitet sërish si rajoni më problematik, dhe ditët e fundit ka shënuar rritje dramatike edhe kundrejt rajoneve të tjera italiane. Janë 2975 rastet e rajonit me kryeqendër Milanon, ndërkohë që në Kampanja u regjistruan 1376 raste, dhe në Lacio 1198.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0