Shqipëri-Kosovë, një bashkëpunim më i fortë ekonomik?!
Përditësuar së fundmi: 11/02/2020

Shqipëri-Kosovë, një bashkëpunim më i fortë ekonomik?!

Share
nga Admin
Shk 11, 2020
Business Magazine Albania constitutes an online periodical publication of business related articles. It is the first of
lexo me teper >

Pas një takimi të gjatë, kryeministri i Shqipërisë dhe kryeministri i ri i Kosovës kanë dalë në një konferencë të përbashkët për shtyp, duke theksuar një rritje të fortë të bashkëpunimit.

“Shqipëria dhe Kosova do të nisin një bashkëpunim të fuqishëm që nuk e kanë pasur asnjëherë”, tha kryeministri i Kosovës Albin Kurti.

Lexo: Bashkëpunimi ekonomik jo i kënaqshëm mes Shqipërisë dhe Kosovës

Krerët e dy qeverive bënë të ditur se kanë rënë dakord që të ngrihet një komitet ndërshtetëror me ministra dhe deputetë, i cili do të ketë në fokus analizimin e ecurisë së 77 marrëveshjeve të nënshkruara mes dy vendeve. Komiteti do të ketë për detyrë gjithashtu që shtojë edhe marrëveshje të tjera në mënyrë që të mundësohet një ritëm i ri në bashkëpunimin mes dy vendeve.

Ata pranuan që rezultatet e deritanishme të projekteve për bashkimin ekonomik nuk kanë qenë ato të pritshmet. Ndaj në fund të muajit mars do të zhvillohet mbledhja e përbashkët e qeverive në Shkodër.

Lexo: Mobiliteti, pararendës për punësimin në sektorin e arsimit Shqipëri-Kosovë

Për sa i përket minishengenit ballkanik, dy kryeministrat nuk kanë rënë dakord. Kurti tha se, në fokus të këtij takimi ishte makroshengeni shqiptar dhe më pas do të diskutohet për pjesëmarrjen ose jo të Kosovës në nismën për minishengenin ballkanik. Ndërkohë, kryeministri Edi Rama, tha se, “makroshengeni shqiptar është i lidhur ngushtësisht me shengenin rajonal”.

Tiranë, Pallati i Brigadave – Konferencë e përbashkët për shtyp me Kryeministrin e Kosovës Albin Kurti 🇦🇱🤝🇽🇰

Publiée par Edi Rama sur Mardi 11 février 2020