Brenda kësaj vere pritet që të hiqen tarifat roaming në telefonatat e qytetarëve të Kosovës dhe Shqipërisë. Qeveria shqiptare dhe ajo e Kosovës bëhet e ditur se po krijojnë grupe pune për të përgatitur ligjin dhe marrëveshjen për heqjen e roaming-ut mes dy vendeve.
Në fillim të këtij muaji Kosova ka miratuar rezolutën për heqjen e roaming-ut me Shqipërinë. Kuvendi i Kosovës e miratoi pas propoyimit të grupit parlamentar të Partisë Socialdemokrate.
Më pas është zhvilluar një takim i përfaqësuesve të kësaj partie me ministrin e Energjisë dhe Infrastrukturës Damian Gjiknuri. Objektivi sipas palëve, është që tarifa e roaming të hiqet brenda këtij sezoni veror. Dardan Molliqaj, Deputet I PSD, shkruan se “Shumë shpejt pa Roaming në Kosovë e Shqipëri.
Në takimin me ministrin e Energjisë, Infrastrukturës dhe Telekomunikacionit në Qeverinë e Shqipërisë, z. Damian Gjiknuri, i cili shprehi interesimin e tij që të hiqet roamingu ndërmjet Kosovës dhe Shqipërisë, vendosëm që të dy qeveritë menjëherë të krijojnë grupe punuese për ta përgatitur ligjin dhe marrëveshjen për heqjen e roamingut.
Po synojmë që këtë ta arrijmë gjatë sezonit veror të këtij viti”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English