Shpresa pranon, që një nga përgjigjet më të vështira është të thotë me një fjalë të vetme se cili është profesioni i saj, dikush e quan mësuese, terapeute, konsulente biznesi, grua biznesi, investitore, blogere, coache për fushën personale apo profesionale, ndërsa vetë ajo e gjen veten shumë mirë në të gjitha rolet, pasi historia e saj e ka bërë të jetë një produkt i kulturave, i eksperiencave dhe i studimeve të ndryshme.
Ajo, vetë njeriun, e sheh si një produkt të eksperiencave të ndryshme gjatë rrugës së jetës.
Gjithësesi, për vetë atë gjithçka ka nisur para 25 viteve kur filloi punë në sektorin privat. Qysh nga ajo kohë, brenda këtij sektori, e ka provuar veten jo vetëm si e punësuar por edhe si themeluese e dy kompanive të saj. Kompaninë e parë e ka hapur në Kosovë ku, të paktën sipas komenteve të ndryshme që merrte në ato kohë, ka qenë gruaja e parë me biznesin e vet në territorin e Kosovës. Duke mos pasur të dhënat e sakta zyrtare të Kosovës së pasluftës, vetë ajo mendon se ndoshta nuk ka qenë e vetmja, por absolutisht ka qenë ndër gratë e para që ka guxuar të marrë një iniciativë të tillë.
Aktualisht jeton dhe punon në Slloveni, por së shpejti fillon intesivisht me aktivitetet e saj në Shqipëri dhe Kosovë, ku deri tani ka qenë prezente në largësi me shkrime të ndryshme në blogun e saj si dhe me disa aktivitete të shkurtra të organizuara në Shqipëri.
Në temat e saj trajton suksesin, lidershipin, vetëbesimin, optimizmin, respektimin e kontratës, pjekurinë e mendimit e karrierës, psikologjinë pas suksesit, etj.
Këtë herë para nesh vjen me kompaninë e saj të konsultimeve – NLP Training, Consulting & Coaching, si e vetmja Trajnere Ndërkombëtare e Liçencuar e Programimit Neuro Linguistik për territorin e Shqipërisë dhe Kosovës.
Për ju që nuk e njihni Programimin Neuro Linguistik, klikoni në faqen e saj www.shpresarupar.com, ku ka shpjeguar në mënyrë të detajuar gjithçka çfarë dëshironi të dini për shkencën pas suksesit.
Punën e saj e ka përqëndruar tek biznesi i vogël, biznesi i mesëm, biznesi familjar dhe natyrisht tek individi, pasi para se të ngremë jetën profesionale ne kemi jetën personale, dhe tek kjo e fundit qëndron çelësi drejt çfarëdo lloj suksesi në jetë.
Sot, pas gjithë këtyre ekperiencave dhe studimeve të ndryshme trajnon ata që janë të etur për të arritur rezultatet dhe objektivat që ata dëshirojnë në çdo fushë të jetës.
Pas çdo trajnimi ju pajiseni me Certifikatë Ndërkombëtare, certifikatë e lëshuar nga The Society of Neuro-Linguistic Programming™ USA, si dhe e firmosur nga vetë bashkëthemeluesi i saj, Dr. Richard Bandler.
Për të dhënat rreth këtij programimi të ekselencës kliko në:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
