Për më tepër s’ka rëndësi as mosha apo gjinia. Edhe pse këto sipërmarrje janë kryesisht online, po krijojnë një emër, të ndihmuara nga rrjetet sociale Facebook dhe Instagram. Punimet me dorë kohët e fundit po zhvillohen shumë dhe është një mundësi shumë e mirë vetëpunësimi dhe sigurimi të ardhurash (bazë apo shtesë).
BusinessMag.al ka në qendër të vëmendjes sipërmarrje të tilla. Në këtë artikull ju sjellim në vëmendje çfarë kanë studiuar sipërmarrësit e punimeve me dorë.
Hëna Demko ka studiuar për financë dhe punon në këtë profesion. Por, prej disa vitesh ajo po zhvillon edhe sipërmarrjen artizanale. Biznesi i saj, “Arti i Hënës”, ofron produkte të personalizuara të dedikuara. Dhurata, të cilat klientët i dhurojnë për raste ditëlindjesh, martesa, pagëzime, evente inaugurimi, por qoftë edhe si dekore.
Lexo: Hëna, mes shifrave dhe punimeve artizanale
Anxhela Çikopano është diplomuar në regji teatri. Themeluese e biznesit “Ajkuna” ajo e di se regjia nuk ka lidhje me biznesin, por çdo hallkë e ka ndihmuar të mësojë diçka më shumë për njerëzit, marrëdhëniet, tregun, tendencat. “Ajkuna” është prej më shumë se tre vitesh në treg.
Lexo: Anxhela me artin e saj të quajtur “Ajkuna”
Fjorza Mullaj ka studiuar për shkenca politike, por pasioni i saj i madh e ka shtyrë në krijimin e një sipërmarrje nën emrin “Just Fjo Accessories”. Ajo ka plot 11 vjet që bën bizhuteri dhe 10 vjet që prezanton krijimet e saj nën këtë emër.
Lexo: Fjorza Mullaji: SI DO SJELL “PARAJSËN” për adhuruesit e mineraleve, të meditimit dhe të energjive
Babeta dhe Endi Rexhepi. Prej disa muajsh kanë krijuar sipërmarrjen e tyre në kryeqytet të punimeve me dorë. Endi është student i arkitekturës. Dyqani i tyrë online, është i përqëndruar tek punimet me dorë, pikturat portretet dhe qëndisja.
Lexo: Endi dhe Babeta, vëlla e motër të apasionuar pas “handmade”
Velinda Karaj ka studiuar për arsim dhe tashme ka sipërmarrjen e saj të punimeve me dorë. Prej dy vitesh ajo ka biznesin e saj online të krijimeve me dorë. Fillimisht nisi me krijimet me grep. Kur puna e saj shfaqi interes dhe numri i klientëve u rrit, ajo filloi të punonte çertifikata lindje.
Lexo: Punëdore, Velinda ndërthur të vjetrën me modernen
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
