Punëdore, Velinda ndërthur të vjetrën me modernen


Pasioni për të bukurën dhe dëshira për të ndërthurur traditën e vjetër të punimit me dorë me modernen, e ka çuar në një sipërmarrje të re.  Prej dy vitesh ajo ka biznesin e saj online të krijimeve me dorë. Quhet Velinda Karaj dhe është nga Cërriku.  Për të nisur këtë sipërmarrje nuk nevojiten studime të caktuara. Mjafton të kesh talent, durim dhe përkushtim.

Punimet me dorë kohët e fundit po zhvillohen shumë dhe është një mundësi shumë e mirë vetëpunësimi dhe sigurimi të ardhurash, qofshin të ardhura bazë apo shtesë.

Velinda na thotë në një intervistë se ana metodike e profesionit për të cilin ka studiuar, që në themel ka artin dhe krijimtarinë, ka qenë shtysa për t’u marrë me këto krijime.

Në fillimet e këtij rrugëtimi, ajo ka vetëm llogari në rrjetin social Instagram dhe Facebook të quajtur Punimemedoreelita, përmes të cilave reklamon dhe shet produktet e saj. Ajo mendon se fakti që shqiptarët po fokusohen tek krijimet me dorë, tregon se ata akoma vazhdojnë të pëlqejnë traditën, por të ndërthurur me modernen, ndërthurje kjo që i bën këto krijime unike në llojin e tyre.

Lexo: Endi dhe Babeta, vëlla e motër të apasionuar pas “handmade”

Por cilat janë krijimet e saj, sa variojnë çmimet? Cilat janë planet e së ardhmes?
Fillimisht filloi me krijimet me grep. Kur puna e saj shfaqi interes dhe numri i klientëve u rrit, ajo filoi të punonte çertifikata lindje, të cilat tani janë bërë  dhurata kryesore për një bebe që vjen në jetë.  Puna e saj u zgjerua me kalimin e kohës, duke punuar shumë produkte të personalizuara. Së fundi, ajo është angazhuar edhe në krijimin e çantave me dorë, produkte të cilat po tërheqin shumë vëmendjen e klientëve dhe janë unike. Për krijimin e një çante të vogël i duhen 12 orë punë.
handmadeNjë punë e madhe për çmimin që mund të ketë në tregun vendas. Por ajo u gëzohet rritjes së porosive.
“Është një punë e lodhshme, por kur ti shikon rezultatin, e harron lodhjen dhe fillon e mendon për krijimin e rradhës”,- thotë ajo.  Përmes detajeve ajo arrin të bëjë unik çdo prodhim.

Materialet i porosit jashtë dhe punimet i realizon vetë nga fillimi deri në fund.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale