Sa ditë duhet të pushoni që të arrini kulmin e kënaqësisë? - Business Magazine Albania

Sa ditë duhet të pushoni që të arrini kulmin e kënaqësisë?


JESSICA STILLMAN
Editor-at-large, Women 2.0

Çdo vit, ju keni disa ditë pushime për të kaluar. A duhet ti merrni të gjitha ato njëherësh dhe ti shijoni në luks apo ti ndani në mini-pushime apo ti jepni vetes shumë fundjava të gjata?
Kjo është një pyetje që çdo profesionist duhet ti përgjigjet dhe ndërsa natyra e punës suaj dhe buxheti që keni në dispozicion si dhe preferencat e familjes suaj të gjithë luajnë një rol në llojin e pushimeve që do të merrni, shkenca ka diçka për të thënë fjalën e saj gjithshatu mbi këtë çështje. Studimet kanë identifikuar numrin ideal të ditëve të pushimeve që maksimizojnë relaksin  tuaj.

8 ditë për të arritur kulmin e lumturisë gjatë pushimeve.

Një kërkim i një universiteti finlandez ndoqi plot 54 pushues gjatë gjithë pushimeve të tyre duke matur uljet dhe ngritjet e lumturisë dhe kënaqësisë së tyre ndërsa ditët e pushimeve kalonin.

Kërkuesit zbuluan se gëzimi i lidhur me pushimet nuk u rrit me shtimin e nxirjes së lëkurës dhe harrimit të punës. Në kundërshtim me këtë, kulmi i lumturisë arrihej pas 8 ditëve.
“Mund të jetë që ai 8 ditëshi të jetë ideali për të marrë përfitimet e një pushimi,” Jessica de Bloom, një nga anëtaret e ekipit kërkimor i tha The Wall Street Journal.

Ideja se pak më shumë se një javë mund të jetë periudha perfekte e pushimeve i përshtatet edhe pushuesve të thekur. “8 ditë. Duket në rregull. Ju merrni të premten pushim pas pune, ndoshta ikni atë ditë pak më herët. Më pas keni të shtunën, të hënën, të martën, të mërkurën, të enjten, të premten, të shtunën dhe të djelën,” thotë Eksperti i Burimeve Njerëzore, Tim Sackett në komentin e tij për këtë studim në blogun e tij.

“Dita e parë nuk duket si pushim sepse ju rehatoheni dhe përpiqeni ta lëshoni veten dhe e shtuna e fundit për të cilën keni nevojë për të filluar paketimin dhe mbledhjen e gjërave sepse do të largoheni të djelën. Ajo e djelë e fundit do të jetë ditë pune sepse ju nuk do të jeni më me pushime!,” shton ai duke shpjeguar përse pushime të tilla e tërheqin atë.

Shkenca e një “arratisje” perfekte

Është një gjetje që ja vlen për tu shënuar nëse jeni duke planifikuar pushime verore të momentit të fundit. Udhëtimi është i kushtueshëm në fund të fundit (dhe nëse kini fëmijë, nuk do të jeni pa stres), kështu që nuk ka kuptim ta zgjasni një udhëtim nëse koha dhe paratë shtesë nuk do të kontribuojë për lumturinë dhe qetësinë tuaj. Por ky studim nuk është i vetmi studim shkencor që ekziston se si të arrish të realizosh pushimet më të mira të mundshme ndërsa kërkime të tjera tregojnë si të nxjerrësh çdo pikë kënaqësie nga pushimet tuaja.

Lajmi u publikua nga www.Inc.com

 

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0