Një ekspert i sigurisë kibernetike ka zbuluar shenjat treguese se hakerat po përdorin kamerën tuaj të laptopit ose të smartfonit për t’ju spiunuar.
Tove Marks nga VPNOverview përshkroi shenjat kryesore nëse jeni në vëzhgim. Marks shpjegoi se një haker duhet vetëm të vendos një pjesë të kodit me qëllim të keq për të fituar akses në kamera dhe përdoruesit mund të mos e dinë kurrë se janë nën sulm.
Të dhënat tregojnë se një në dy amerikanë nuk janë në dijeni se kamera e tyre e laptopit mund të hakohet. Marks ndan gjithashtu këshilla për uljen e rrezikut të një sulmi, si përdorimi i kapakut të kamerës dhe përditësimi i vazhdueshëm i sistemit operativ.
Hakerat pretendojnë se kanë imazhe të ndjeshme për ju dhe planifikojnë t’i publikojnë ato në internet nëse nuk i plotësoni kërkesat e tyre. Marks tha se fotot ka të ngjarë të jenë marrë nga hakeri duke përdorur kamerën tuaj.
Një tjetër shenjë paralajmëruese është nëse shihni se drita në kamerë pulson. Shumica e kamerave të laptopëve kanë një dritë të vogël majtas ose djathtas që ndizet kur kamera është në përdorim. iPhone-t sinjalizojnë se kamera është në përdorim me një pikë të gjelbër.
Marks tha se nëse drita e vogël në kamerën e laptopit pulson, atëherë kini parasysh se dikush mund të jetë duke ju spiunuar. Për përdoruesit e smartfonëve, kamera mund të jetë hakuar nëse shihin ikonën në ekran dhe kamera juaj nuk është në përdorim.
Detaji i fundit për t’u kujdesur është nëse bateria e pajisjes zbrazet më shpejt se zakonisht, kjo shkaktohet nga konsumimi i energjisë nga kamera, sepse është vazhdimisht e ndezur. dailymail
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
