SHBA miraton vaksinën e parë kundër COVID-19

Bordi i ekspertëve të Administratës së Barnave dhe Ushqimit të SHBA-së (FDA) miratoi përdorimin e vaksinës për koronavirusin e ri (COVID-19) të zhvilluar nga kompania farmaceutike amerikane Pfizer dhe kompania gjermane bioteknologjike BioNTech partner themelues i së cilës është shkencëtari turk prof. dr. Uğur Şahin, transmeton Anadolu Agency.

Bordi Këshillues i FDA-së i përbërë nga ekspertë të pavarur, në një votim pas takimit të zhvilluar dje që zgjati gjatë gjithë ditës, me 17 vota ‘pro’ dhe 4 ‘kundër’ autorizoi FDA-në për përdorimin emergjent të vaksinës COVID-19 të zhvilluar nga Pfizer dhe BioNTech.

Pas këtij miratimi nga Bordi rregullator i vendit për vaksinën e parë në vend, FDA pritet të përfundojë procedurën e konfirmimit zyrtar për vaksinën dhe të fillojë sa më parë shpërndarjen në shtete duke filluar që nga sot.

Deri në fund të këtij muaji planifikohet shpërndarja e pjesës së parë prej 6.4 milionë doza të vaksinës dhe që të përfshihen në etapën e parë 3 milionë persona për shkak të praktikës për vaksinim me dy doza.

LEXO: Pfizer: Nuk dihet nëse vaksina ndalon përhapjen e infeksionit

Qendrat Amerikane për Kontrollin dhe Parandalimin e Sëmundjeve (CDC) rekomandojnë se përparësia në vaksinim duhet të jetë për punonjësit e shëndetësisë dhe popullatës së moshuar në shtëpitë e kujdesit, por që vendimi përfundimtar për këtë çështje u përket drejtuesve të shteteve.

FDA në një deklaratë më 8 dhjetor, konfirmoi “besueshmërinë dhe efektivitetin” e vaksinës kundër COVID-19 të zhvilluar nga Pfizer dhe BioNTech. Duke theksuar se vaksina është efektive 95 për qind dhe se rreth 10 ditë pas dozës së parë të vaksinës është siguruar mbrojte e fortë kundër COVID-19, ishte rekomanduar që vaksina të aplikohej me dy doza 30 miligramëshe me një interval kohor prej 21 ditësh.

Vaksina e Pfizer/BioNTech e cila njihet si BNT162b2 javën e kaluar u miratua në Britani të Madhe dhe këtë të mërkurë në Kanada.

Edhe vaksina kandidate “mRNA-1273” e kompanisë bioteknologjike Moderna me qendër në SHBA do të shqyrtohet në të njëjtën mënyrë më 17 dhjetor nga Bordi i ekspertëve të pavarur të FDA-së.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale