Serena Leka, shqiptarja që triumfoi në Samitin Botëror të Inovacionit në Kinë

Serena Leka, shqiptarja që triumfoi në Samitin Botëror të Inovacionit në Kinë


Serena Leka nuk është një emër i pa njohur për lexuesin e BusinessMag.al dhe jo vetëm. Tashmë emri i saj po lakohet shumë në Shqipëri dhe jashtë saj, madje deri në Kinë, për arritjet e kompanisë CELLUGY, ku ajo është bashkëpronare.

Serena fitoi me kompaninë e saj në Smitin Botëror të Inovacionit në Kinë, me ambalazhin ekologjik të CELLUGE. Në eventin prestigjoz, ajo u nderua me çmimin e parë, ndonëse konkurrenca ishte mjaft e fortë.

Për BusinessMag.al Serena tregon rrugëtimin se si ajo dhe kompania CELLUGY arritën të bëhen pjesë e këtij Samiti. Fillimi nis me konkurs në një kompeticion shkencor ndërkombëtar të mbajtur në Gjermani. Mes shumë kompanive të fuqishme botërore ata u vlerësuan me vendin e parë. Fitorja në këtë event u mundësoi marrjen pjesë në samitin e mbajtur në Kinë. Një samit në të cilin ishin konkurruese 50 kompani, shumica lokale, një juri 51% kineze dhe një numër shumë i lartë ndjekësish online.

Fitorja ishte diçka shumë e madhe për Serenën, ku përveçse fituan shumë shërbime dhe mundësi për të hyrë në tregun kinez, ata morën edhe një vëmendje të madhe mediatike. Serena përfaqësoi kompaninë e saj me produktin ekologjik të krijuar nga grupi i përkushtuar i CELLUGY, i cili përbëhet nga 6 persona. Ky produkt ekologjik i quajtur Ecoflexy, synon që të zëvendësojë plastikën në paketim fleksibël.

Lexo: Serena Leka, shqiptarja që po trajnon ekselentët në mbarë globin

Për BusinessMag.al Serena thotë se ky produkt është një gjetje e çmuar, pasi përbëhet tërësisht nga mbetje ushqimore që kanë përbërës sheqerin, kryesisht atë të frutave. Fakti që në këtë samit morën pjesë shumë kompani të mëdha botërore, tregon se edhe produkti i prezantuar prej tyre është një produkt vërtetë konkurues. Serena thotë se ata u shpallën fitues për disa arsye: a) Produkti është material 100% bio dhe 0% plasikë, b) i certifikuar për cilësinë e tij, c) skuadra kaq e vogël ka arritur shumë gjëra në pak kohë.

National Geographic e ka cilësuar CELLUGY si një nga 10 kompanitë më të mira në botë në dizenjimin e materialeve të reja.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0