Ja çfarë strategjie përdor Elon Musk për t’u bërë ekspert në çdo fushë:
1. Lexo për çdo gjë (jo vetëm për fushën tënde)
Elon Musk shpesh ka treguar se ai është rritur i rrethuar nga librat. Edhe mamaja e tij përshkruan Elon si një fëmijë me hundë në libra. Nga Inteligjenca Artificiale te hapësira në biologji dhe ekonomi, Musk nuk është “nazeli” kur vjen puna te të mësuarit.
Musk e lejon veten të mësoj çdo gjë. Pse? Sepse çfarë mëson tani mund të lidhet me diçka tjetër në të ardhmen, duke krijuar diçka unike. Kjo quhet transferimi i dijeve, dhe këtë bën Musk kur aplikon njohuritë e një fushe në një fushë tjetër. Ashtu si informatika dhe ekonomia u bashkuan për të krijuar PayPal.
Fakt interesant: Steve Jobs gjithashtu mësonte për çdo fushë. Ai u bë pjesë e një klase Kaligrafie, njohuritë e së cilës i përdori për të përcaktuar tipografitë e Mac kur themeloi Apple vite më vonë.
2. Rrethojeni veten me njerëz inteligjent
Kur Musk u fut në industrinë e hapsirës me SpaceX, ai punësoi inxhinierin më të mirë Tom Mueller, i cili konsiderohet si një nga ekpertët më të mirë të raketave. Musk qëndronte pas tij dhe mësonte çfarë të mundej.
Jim Cantrell, një konsulent i auronautikës thotë: “Në të njëjtën mënyrë që Musk përvetësonte librat, ai përpiqej të bëntë të njëjtën gjë me aftsitë e njerëzve. Ishte ai i zoti sa e “vidhte” eksperiencën e tyre. Ai i dëgjon shumë njerëzit.”
Ndaj, filloni të vlerësoni nëse njerëzit me të cilët shoqëroheni mund të rrisin IQ tuaj.
3. Mendojini dijet si një pemë
I pyetur në Reddit, se si ja del të mësosh shpejt çdo gjë, Elon Musk shkruan:
“Një këshillë: është e rëndësishme t’i shohim dijet si një pemë sematike, sigurohuni që të kuptoni rregullat themelore, dmth trungun dhe degët e mëdha, përpara se të arrini te gjethet/detajet.”
Kjo qasja është shumë e bukur. Imagjino të ngasësh një makinë pa mësuar se si ndizet motori dhe se për çfarë shërben secila pedale. Nëse nuk di bazën, pjesa tjetër do të jetë shumë e vështirë.
E gjithë karriera e Musk bazohet në këtë parim. Së pari, ai mësoi bazat e inteligjencës artificiale, fizikës dhe inxhinierisë; më pas ai i analizoi këto ide dhe i rindërtoi ato në mënyra të reja, duke krijuar PayPal, SpaceX, Tesla etj.
Ne gabojmë kur themi: “Epo ai është gjeni. E ka aftësi të tijën.” Dhe Elon ka një kundërpërgjigje për këtë:
“Unë mendoj se shumë njerëz mund të mësojnë më shumë nga sa mendojnë. Por ata thjesht nuk kanë vullnet. Ata i bien shkurt, duke u justifikuar dhe pa provuar.”
/GoalCast
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
