Sekretari i Përgjithshëm i OKB, Antonio Guterres, ka bërë një apel global për të mbrojtur gratë dhe vajzat “në shtëpi”, pasi mbyllja e shkaktuar nga pandemia e koronavirus përkeqëson dhunën në familje.
Lexo: Rama: nuk ka gjoba, por heqje lirie për ata që thyejnë rregullat
Deklarata e tij vjen pas shtimit të episodeve të dhunës në familje nga fillimi i pandemisë Coronavirus.
“Dhuna nuk është e kufizuar në fushën e betejës”, tha Guterres në një video angleze me titra në frëngjisht, arabisht, spanjisht, kinezçe dhe rusisht, duke përsëritur edhe një herë kërkesën e tij për armëpushim në vendet me konflikte të vazhdueshme dhe përqëndrimin e të gjitha energjive në objektivin e vetëm të luftës kundër Covid-19.
“Fatkeqësisht, shumë gra dhe vajza janë veçanërisht të rrezikuara nga dhuna aty ku duhet të mbrohen. Në shtëpitë e tyre. Kjo është arsyeja pse sot bëj një thirrje të re për paqen në shtëpi, në të gjithë botën.
Javët e fundit, pasi presionet ekonomike dhe sociale janë përkeqësuar dhe frika është rritur, bota ka pësuar një rritje të tmerrshme të dhunës në familje, “tha kreu i Kombeve të Bashkuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
