Një kompani kineze ka njoftuar se do të hedhë në treg brenda 12 muajvë telefonin e parë inteligjent që mund të përthyhet në formën e një rrethi.
Në fakt kjo ka qenë një ide e hershme e disa kompanive të tjera, por është “Moxi Group” kompania që do ta vërë në jetë këtë plan. Kompania e sapoformuar me bazë në Chonquing tha se ka në plan të prodhojë si fillim 100 mijë telefona të tillë deri në fund të vitit, dhe secili prej tyre do të kushtojë 520 paund.
Telefoni do të jetë i gjatë, me një ekran të ngushtë dhe bateri të madhe në fund. Pajisja do të ketë aftësi të përthyhet e tëra dhe të vendoset në kyçin e dorës si byzylyk.
Ekrani do të jetë Graphene, një material i zhvilluar për herë të parë në Britani, i cili është i lehtë, i hollë dhe një përcjellës shumë i mirë.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
